سوڭعى كەزدەرى  وڭتۇستىك قازاقستان وبلىسىنداعى بالاباقشالاردىڭ يدەولوگيالىق ۇستانىمىن تۇسىنۋدەن قالدىق. قازاق بالاباقشالارىنداعى əر ەرتەڭگىلىك، مەرەكەلىك ءىس-شارالاردا بالالار وزبەكشە كويلەك-شالبار كيىپ، ورىسشا تاقپاق جاتتاپ əلەك بولادى. باستاپقىدا بۇل ماسەلەگە  مəن بەرمەدىك. قازاقى دارحان كوڭىل وتانداس وزگە ۇلتتاردىڭ ءبيىن بيلەپ، ءəنىن ايتۋ – وسكەلەڭ ۇرپاقتىڭ پاتريوتتىق سەزىمىن نىعايتادى، دوستىققا ۇيرەتەدى دەگەنگە جەتەلەدى. بىراق، بۇل جاعداي تاربيە مەكەمەسىنىڭ بارلىق شارالارىندا تۇراقتى تۇردە قايتالاناتىنىن بايقاپ ءجۇرمىز. ءتىپتى،  بالالار وزبەكتىڭ ۇلتتىق كيىمىمەن كونتسەرتتىك باعدارلامانى اياقتايتىن بولدى. وسى جاعدايعا بايلانىستى تəربيەشىلەرگە ايتقان ۋəجىمىزگە:  -" قازاقتىڭ ۇلتتىق كيىمىن ناۋرىزدا كيەمىز" - دەگەن جاۋاپ الدىق. سوندا قازاقتىڭ ۇلتتىق كيىمدەرى مەن رۋحاني مۇراسى ەسىك سىعالاپ 22-ناۋرىز مەرەكەسىن كۇتىپ تۇرا بەرەتىن بولعانى ما؟

جاڭالىقتىڭ سوراقىسى بۇل ەمەس. جۋىردا بالاباقشالاردىڭ جانىنان جاپپاي ورىس توپتارى اشىلا باستادى. اتا-انالار سۇرانىسى بويىنشا - مىس. ودان بولەك، تاربيە مەكەمەسىنە بالالارىن جاڭا اكەلگەن اتا-انانى قىزمەتكەرلەر: - بالاڭىزدى ورىس توبىنا بەرسەڭىز، مول مۇمىندىكتەر اشىلادى. بالانىڭ ينتەللەكتۋالدىق دامۋىنا، العىرلىعىنا كوپ ىقپال ەتەدى، – دەپ ءتۇرلى سىلتاۋلار ايتىپ، ۇگىتتەۋگە كوشكەن. بالاباقشا قىزمەتكەرلەرىنىڭ ايتۋىنا سەنسەك، بالا قازاق توبىندا تاربيەلەنسە، دامۋى تەجەلىپ، تاربيەدەن تارشىلىق كورمەك. مۇنى ەستىگەن اتا-انالاردىڭ بىرقاتارى ۇدەرە كوشىپ، بالالارىن ورىس توپتارىنا اۋىستىرا باستادى. مۇنداي اقىلعا سىيعىسىز امالدىڭ استارىنان ءبىز سۇمپايى ساياساتتىڭ لەبىن بايقايمىز. زاڭ بويىنشا، ەگەر بالاباقشادا ورىسشا تاربيەلەنۋشىلەردىڭ ۇلەسى سالماعى  30 پايىزدان اسسا، ونى ورىس تىلىندە تاربيە بەرەتىن مەكەمەگە اينالدىرۋعا بولادى.

قازاق ءتىلىنىڭ مۇنشاما سورلى كۇيگە ءتۇسىپ، شەتتەتىلۋىنىڭ سەبەبى نەدە؟ ءىستىڭ استارىنان تابىس كوزدەگەن باقشا باستىقتارى ما؟ Əلدە ەل ىرگەسى سوگىلىپ، مەملەكەتتىك ءتىل مەن قازاقتىڭ مول مۇراسى ءوز ەلىندە وزگەنىڭ كولەڭكەسىندە قالىپ بارا ما؟ ەلىمىزدىڭ ەڭ قازاقى وبلىسىندا وسىنداي جاعداي بولىپ جاتسا، وزگە وڭىرلەردەگى جاعداي نە بولماق؟ مەملەكەت بولاشاعى ءۇشىن ماڭىزدى ماسەلەگە  قۇزىرلى ورىندار كوڭىل ءبولىپ، ماسەلەنىڭ ءمان-جايىنا قانىقتىرار دەگەن ويمەن وسى ماقالانى جاريالاپ وتىرمىز.

رەداكتسيادان: حات يەلەرى ازىرگە وزدەرىنىڭ اتى-جوندەرىن جاريالاماي تۇرۋدى وتىنگەنىن ەسكەرتەمىز.

Abai.kz