جيەگىنە جەلبىر تۇسكەن ايەلدەردىڭ تىزكيىمى كەدەندىك وداققا مۇشە ەلدەردە ساتىلمايتىن بولىپ ەدى عوي. ماسكەۋ سولاي شەشكەن. ەكولوگيالىق تۇرعىدان زياندى دەگەن. ەندى «روسسەلحوزنادزوردىڭ» باستىعى سەرگەي دانكۆەرت دەگەن كىسى قازاقستان مەن بەلارۋسسياعا سىرتتان تاسىلاتىن تاۋارلار تەك رەسەيدىڭ تەكسەرۋىنەن ءوتىپ بارىپ يمپورتتالۋى كەرەك دەپ وتىر.

الايدا، ۇلتتىق ەكونوميكامىزدىڭ ۆيتسە-ءمينيسترى ءمادينا ابىلقاسىموۆا ەۋرووداقتىڭ قۇرامىنداعى ەلدەرمەن ارامىزداعى تاۋار اينالىمىنا رەسەي كەدەرگى جاساي المايدى دەگەندى ايتۋدا. شاماسى، كو مەن ەۋرازيالىق ەكونوميكالىق وداق دەپ جۇرگەنىمىز وسىلايشا بەتتى اشىپ، ءۇنسىز الىستاۋعا الىپ باراتىن جول سياقتى. الىستاۋعا الىپ باراتىن جول، ارينە، جيەگىن جەلبىر باسقان دامبالدىڭ دالباسا اڭگىمەسىنەن ەمەس، وسىنداي كۇردەلى ماسەلەلەردەن باستالۋى ابدەن ىقتيمال...