ەكى نارسە.

سيريادا سوعىسىپ جۇرگەن «حوراسان» توبىنىڭ كوسەمدەرى ابدەل راحمان يسمايلوۆتىڭ (كازاحستاني), ابۋ لەيليا ال-كازاحستانيدىڭ كوزى جويىلدى» دەپ جار سالىپ جاتىر، شەتەلدىك باق.

احمەتجان ەسىموۆ «مەكتەپتە نۆپ-نى مۇلدە وقىتپاۋ كەرەك» دەيدى.

ارينە، سودىرلار ءوز جازاسىن الۋى ءتيىس. ەكى باستان، ءبىزدىڭ بالالارىمىزدىڭ بەيبىت كۇندە، ماسقارا بولعاندا مەكتەپتە، جازىم بولۋىنا جول بەرمەۋىمىز كەرەك.

بىراق، ەكىۇداي ويعا قالاسىڭ. مىسالى، جوعارىدا كوزى جويىلعاندار سودىر بولسىن. ءىشىڭدى اشىتاتىنى، «سودىر» بولسا دا قازاق، قازاقستاندىق قوي. اداستى، وت باستى، وپات بولدى. ول اداسپاعاندا، وت باسپاعاندا قازاقتىڭ ىشىندە دە ەرتەڭ وتانىن، وتباسىن قورعاي الاتىن، ەلى-جەرى ءۇشىن ويلانباي شاحيد بولاتىن بىرەر ازامات جۇرە بەرەر ەدى.

جالپى باسى شاتىلعان، جازا باسقان ازاماتتاردى باسقا-كوزگە توپەلەپ قارالاي بەرگەندە، سوتتاپ، اتىپ-اسا بەرگەندە نە تابامىز؟ وندايلاردى قايتا مەملەكەتتىڭ كەرەگىنە جاراتاتىن جاعدايدى نەگە قاراستىرمايمىز؟ مەملەكەتتىڭ قاۋىپسىزدىك قىزمەتى، وزگە دە ارنايى قىزمەتتەر بار. جانى، قانى بۇزىلعاندارمەن، فاناتيكتەرمەن، مەملەكەتكە، قوعامعا پايداسى تيەتىندەي قىپ نەگە «باسقاشا» جۇمىس ىستەمەيدى؟

ەكىنشىدەن. جارايدى، مەكتەپتەردەگى نۆپ ءپانىن الىپ تاستايىق. ەرتەڭ مىنا ۇلانعايىر جەردى، ەلدى قورعايتىن ۇرپاقتى نەمەن تاربيەلەيمىز؟ ينتەرنەتتەگى ۆيرتۋالدى ويىندارمەن بە، الدە گولفپەن بە؟ ەل باسىنا كۇن تۋسا بالالارىمىز وتانىن گولفتىڭ تاياعىمەن نەمەسە تەننيستىڭ راكەتكاسىمەن قورعاي ما؟

تىم قۇرىسا ءوز اۋلاسىندا، مەكتەپ قابىرعاسىندا جاعالاسىپ، توبەلەسىپ وسپەگەن ەر بالا – بالا ەمەس. ءومىرى پىشاق، مىلتىق ۇستاپ كورمەگەن، پوروحتىڭ ءيىسىن بىلمەيتىن، قان كورسە قالشىلداپ شالقاسىنان تۇسەتىن ۇرپاق قازاقستاننىڭ بولاشاعى بولا المايدى.

سوندا، باس كوتەرەر ازاماتتىڭ ءبارىن سوتتى، سودىر قىلساق، جالعىز ۇلىمىزدى قىزمىنەز، ىنجىق، بولبىر قىلىپ تاربيەلەسەك، مىنا ەل ءۇشىن ولۋگە دايار جىگىتتەردى قايدان الامىز؟..

(تالعات ەشەنۇلىنىڭ FB پاراقشاسىنان الىندى).