بىزدە ءوزى قىزىق قوي... باتىستا دەيمىن-اۋ، جاستار عالىم بولعىسى كەلەدى، بيزنەسمەن بولعىسى كەلەدى، دارىگەر، جۋرناليست، قويشى ايتەۋىر ءبىر سالانىڭ مىقتى مامانى بولۋدى ارماندايدى. شەنەۋنىك بولۋدى ءومىرىنىڭ مۇراتى سانايتىندار نەكەن-ساياق. ال بىزدە تيتتەي بالانىڭ وزىنەن "وسكەندە كىم بولاسىڭ" دەپ سۇراي قالساڭ، "اكىم بولام" دەپ تارس ەتكىزەدى، اتالارىمىز "اكىم بول" دەپ زامانۋي باتا بەرەتىن بولدى، ءتىپتى اڭداپ وتىرساڭىز، اتا-انا بالاسىن ەركەلەتۋدىڭ ءوزىن مودەرنيزاتسيالاندىرىپ العان: "وشى مەنىڭ بالاپانىم ەرتەڭ وسكەندە، اكىم، مينيستر بولىپ، ماما-پاپاشىن اشىرايدى ەكەن ءوجى"...
ەندى بار عوي، "پالەنشەنىڭ بالاسى ساباقتى جاقسى وقىپ ەدى، انەكەي، شىتتاي اكىم بولىپ ءجۇر. ىشكەنى الدىندا، ىشپەگەنى ارتىندا" دەپ بالاسىنا ۇرىسىپ تۇرىپ تا، كوكەيىن تەسكەن كوپ نارسەنى ءوزى اڭعارماستان جايىپ سالادى... جوعارى جاقتا اكىم بولۋ ءۇشىن كلاندار اراسىندا كادىمگىدەي "بيتۆا" بوپ جاتادى... كەشە عانا وقۋ ءبىتىرىپ كەلگەن مۇرىنبوق لاۋازىمدى قىزمەت ءۇشىن جان-جاعىلاردى شىمىرىكپەستەن ساتىپ جىبەرەدى...تب... نەگە ويتەسىزدەر دەۋگە اۋزىم بارمايدى. سەبەبى، ءبىزدىڭ ەلدە عالىم بول، ءتىلشى بول، دارىگەر بول مەيلى، وي ءبىر قۇمىرسقانىڭ يلەۋىنە تاپ بولاسىز. بەلىڭىز مايسىپ ەرتەلى-كەش جاساعان ەڭبەگىڭىزدىڭ قۇنى كوك تيىن. ال شەنەۋنىك بولدىم دەگەنشە سيقىرشىنىڭ تاياعى قولىڭىزدا دەي بەرىڭىز. كرەسلوعا وتىرعانىڭىز سول ەكەن، كۇنى ەرتەڭىنە-اق ءۇيىڭىز ۇلكەيىپ، كولىگىڭىز دۇڭكيىپ، ءتىپتى تۋعان -تۋىسقاندارىڭىزعا دەيىن ادام تانىماستاي بوپ وزگەرىپ، مۇرىندارى شەلتيىپ شىعا كەلەدى...

حاكىمدىكتەن اكىمدىكتى بيىك قوياتىن ۇرپاق ءوسىپ كەلە مە....

(فەيسۋبكتەگى جەكە پاراقشاسىنان الىندى).