«ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە اقپاراتتىق قاۋىپسىزدىك كافەدراسى اشىلۋى مۇمكىن. بۇل تۋرالى بۇگىن ەلوردادا ء وتىپ جاتقان «قازاقستان-2050» ستراتەگياسى اياسىنداعى اقپاراتتىق قاۋىپسىزدىك» تاقىرىبىنداعى حالىقارالىق عىلىمي-تاجىريبەلىك كونفەرەنتسيا  بارىسىندا ل.گۋميلەۆ اتىنداعى ەۇۋ اقپاراتتىق قاۋىپسىزدىك جانە تەحنولوگيا ينستيتۋتىنىڭ ديرەكتورى ەرجان سەيىتقۇلوۆ ايتتى»، - دەپ جازدى قازاقپارات.

ء«بىز وتكەن جىلى ەۇۋ-دە اقپاراتتىق قاۋىپسىزدىك جۇيەسى بويىنشا ماماندىق اشتىق. ءبىر جىلدىڭ وزىندە-اق تالاپكەرلەردىڭ جارتىسىنان استامىن جيناپ الدىق»، - دەگەن ە.سەيىتقۇلوۆتىڭ سوزىنە قاراعاندا، ۋنيۆەرسيتەتتە اقپاراتتىق قاۋىپسىزدىك سالاسىنداعى كادرلاردى دايارلاۋ ءۇشىن زور عىلىمي الەۋەت بار. بۇدان بولەك ەلىمىزدىڭ ءبىلىم جانە عىلىم مينيسترلىگىمەن بىرلەسىپ، وسى سالاعا قاتىستى كوپتەگەن جوبالار جۇزەگە اسىرىلۋدا.

«اقپاراتتىق قاۋىپسىزدىك جونىندەگى جەكە كافەدرا قۇرۋ، جاڭا تەحنيكالىق، ماسەلەن كومپيۋتەرلىك قاۋىپسىزدىك ماماندىعىن اشۋ جوسپارىمىزدا بار. قازىرگى ۋاقىتتا بىزدە اقپاراتتىق قاۋىپسىزدىك جۇيەسى دەپ اتالاتىن جالعىز اسكەري ماماندىق بولسا، رەسەيدە اقپاراتتىق قاۋىپسىزدىك بويىنشا كوپتەگەن تەحنيكالىق ماماندىق بار»، - دەدى ينستيتۋت ديرەكتورى.

اباي-اقپارات