گرەتسيا ۇكىمەتىنىڭ باسشىسى  الەكسيس تسيپراس  كەشە ءوزى ءوتىنىشى جازىپ، قىزمەتىنەن كەتتى. ەۋروداقتىڭ مۇشەسى گرەتسيا قازىرگى قارجىلىق قيىندىقتى باستان كەشىپ وتىرعان ەلدەردىڭ ءبىرى. افينىلىقتاردىڭ اتالعان وداق كولەمىندە داعدارىسقا ەڭ ءبىرىنشى بولىپ ۇرىنىپ، زارداپ شەگىپ جاتقانىن ءبىزدىڭ ەل اقپارات كوزدەرىنەن جاقسى ءبىلىپ وتىرسا كەرەك دەپ ويلايمىز. 

سونىمەن، كەشەگە دەيىن اتقارۋشى بيلىكتىڭ تىزىگىنىن ۇستاعان الەكسيس تسيپراس تىڭ ءوتىنىشىن گرەتسيا پرەزيدەنت  پاۆلوپۋلوس  قابىل الدى. مەملەكەت باسشىسىمەن ەكس-پرەمەر اراسىنداعى اڭگىمە بارىسىندا الەكسيس تسيپراس  «ازىرگە مينيسترلەر كابينەتىن جاساقتاۋدىڭ قاجەتى جوق» دەگەن كورىنەدى. سوعان وراي پرەزيدەنت  پاۆلوپۋلوس  ەل كونستيتۋتسياسى بويىنشا، وزىنە جۇكتەلگەن مىندەتتى اتقارىپ شىعاتىندىعىن ايتتى دەپ حابارلايدى تاسس اگەنتتىگى.

وسى اڭگىمەنىڭ الدىندا الەكسيس تسيپراس  گرەتسيا جۇرتىنا تەلەارنالار ارقىلى مالىمدەمە جاساپ:

«كرەديتورلارمەن كۇردەلى اڭگىمە ارتتا قالدى. مەن بۇگىنگە دەيىن قانداي ساياسي قادامدار جاسادىم، ار-وجدان تۇرعىسىنان قانداي ءىس اتقاردىم، ونى ەندى قالىڭ كوپشىلىك ءوزى باعالاي جاتار. مەن وسى مالىمدەمەدەن كەيىن پرەزيدەنتتەن وتستاۆكاعا جىبەرۋدى سۇرانام. قازىرگىدەي كۇردەلى، بىراق، بولاشاعى ءۇمىتتى جاعدايدى كىم قولىنا الادى، ۇكىمەت باسىنا كىم كەلەدى؟ بۇل سۇراقتاردىڭ جاۋابىن تەك سىزدەر شەشەسىزدەر»، - دەدى.

P.S. سالىستىرۋ ءۇشىن ايتا كەتەيىك: قارجىلىق  داعدارىستى حالىققا سەزدىرمەۋ ءۇشىن تەڭگە باعامىن قولدان ۇستاپ ءبىر جىلدىڭ شەگىندە 28 ملرد  دوللار جوعالتقان قازاق ەلىنىڭ ۇكىمەتى كەشە جاڭا ەكونوميكالىق ساياساتقا كوشەتىندىگىن حابارلاپ، جۇمىلا جۇمىسقا كىرىسىپ كەتتى.

Abai.kz