ۇلتتىق بانك 20 تامىزعا  ارنالعان شەتەل ۆاليۋتالارىنىڭ باعامىن جاريالادى. بۇگىن دوللار باعامى 188,38 تەڭگەنى قۇرادى.

وسىلايشا اقش ۆاليۋتاسىنىڭ رەسمي باعامى ءبىر تاۋلىكتە 0,03 تەڭگەگە ءوستى. بۇل تۋرالى اlmatyNews ۇلتتىق بانكتىڭ ءباسپاسوز قىزمەتىنە سىلتەمە جاساپ حابارلادى.

سونىمەن قاتار، كازكوممەرتسبانك دوللاردى ساتىپ الۋ دەڭگەيىن 195,64 تەڭگە، ساتۋدى — 197,92 تەڭگە دەپ بەلگىلەدى.

Forte Bank امەريكالىق ۆاليۋتانى 196,25 تەڭگەگە ساتىپ الىپ، 197,75 تەڭگەگە ساتۋدا.

حالىق بانكىندە — 196,00 تەڭگە، 197, 89 تەڭگە; ەۋرازيالىق بانكتە — 196 تەڭگە جانە 197,9 تەڭگە;

تسەنتركرەديتبانكى «قازىرگى تاڭدا باعامعا تۇزەتۋلەر ەنگىزىلىپ جاتىر» دەپ كورسەتكەن.

ايتا كەتەيىك، ۇلتتىق بانكتىڭ مالىمەتى بويىنشا بۇگىن ەۋرو باعامى 208,24 تەڭگەنى قۇرادى. ال، رۋبل باعامى 2,87 تەڭگە.

ەستەرىڭىزگە سالساق، كەشە ەلدەگى دوللار باعاسى 10 تەڭگەگە ءوستى. بۇگىن ۇكىمەت باسشىسى تەڭگەنىڭ دوللارمەن ايىرباسىن ەركىندىككە جىبەرىلدى دەپ مالىمدەدى.

ىلە-شالا KASE بويىنشا دوللاردىڭ ورتاشا باعامى 256 تەڭگە بولدى. 2015 جىلدىڭ 20 تامىزىنداعى تاڭعى سەسسيا بويىنشا دوللار باعامى 256 تەڭگە بولدى. بۇل تۋرالى Tengrinews.kz حابارلادى. تاڭعى سەسسيانىڭ ساعات 10.15-تەگى ءبىرىنشى كەلىسىم بويىنشا دوللار 200 تەڭگە بولدى. ساعات 10.32-دە 257 تەڭگەگە كوتەرىلدى. سەسسيا ساعات 11.00-دە اياقتالادى.

اباي-اقپارات