باۋىرجان بايبەكتىڭ الماتى قالاسىنىڭ باس جوسپارىنا بايلانىستى ءبىراز العا قويعان ماقساتتارى بار ەكەندىگىنەن حاباردارمىز. ءتىپتى جۋىردا وسى ماسەلەگە بايلانىستى ۇلكەن جيىن وتكىزەتىن كورىنەدى.

قالا تۇرعىنى رەتىندە مەنىڭ دە ۇسىنىسىم بار. حالقىنىڭ سانى ەكى ميلليونعا جەتىپ قالعان الىپ شاحاردا اللانىڭ ءۇيى- مەشىتتەردى ىڭعايسىز جەرلەرگە سالۋدى توقتاتۋ كەرەك! مۇسىلمان قاۋىم ءمىناجات ەتەتىن مەشىتتەردىڭ كوپشىلىگى جول ۇستىنە، ماشينا كەپتەلىسىن تۋدىراتىن ورىندارعا سالىنعان. اسىرەسە، جۇما كۇندەرى حالىققا ءتىپتى قيىن. ارنايى اۆتوتۇراقتار بولماعان سوڭ مەشىت ماڭايىندا كەپتەلىستىڭ "كوكەسى" بولىپ جاتادى. ونىڭ ۇستىنە مەشىت ماڭايىندا "قۇمار ۇيلەردىڭ" ماڭدايشالارى جارقىراپ تۇرعانى ءتىپتى ىڭعايسىز. الماتىداعى جاندوسوۆ پەن روزىباكيەۆ كوشەلەرىنىڭ قيىلىسىنداعى اللانىڭ ءۇيىن "قۇمار ۇيىمەن" شاتاستىرىپ الۋىڭىز ابدەن مۇمكىن. باسقا جەر جەتپەگەندەي "وليمپ" بۋكمەكەرلىك مەكەمەسىنىڭ مەشىتتىڭ قولتىعىنا كىرىپ العانىن قالاي تۇسىنۋگە بولادى؟ بايبەك مىرزا، قولىڭىز ءبىر قالت ەتكەندە الەۋمەتتىك جەلىگە دە ءبىر ءۇڭىلىپ قوياتىنىڭىزدى ەستىپ ەدىك، بۇل جولى دا بايقاپ قالار دەگەن ءۇمىتىمىز بار.

ارمان سقابىلۇلى

Facebook-تەگى پاراقشاسىنان