قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى 2014-2016 جىلدارعا ارنالعان ءىس-شارالار جوسپارىنىڭ 17-تارماعىنا سايكەس ەلىمىزدىڭ ورتالىق، شىعىس وڭىرلەرىندە (شىعىس قازاقستان، پاۆلودار، قاراعاندى وبلىستارىندا) ءورىستىلدى ازاماتتارعا "قازاقستاننىڭ بولاشاعى - قازاق تىلىندە" مەملەكەتتىك ءتىلدى ناسيحاتتاۋ شارالارىن وتكىزدى.

جوبانىڭ ماقساتى: ءورىستىلدى ازاماتتار اراسىندا قازاق ءتىلىنىڭ مەملەكەتتىك ءتىل رەتىندەگى مارتەبەسى، قازاق ءتىلىنىڭ قازاقستانداعى ەتنوستاردىڭ بىرلىگى مەن ىنتىماعىنىڭ كەپىلى رەتىندەگى، قازاق ءتىلىنىڭ قوعامدىق كوپشىلىك ورىندارداعى، قازاق ءتىلىنىڭ جاس ۇرپاق تاربيەسىندەگى، پاتريوتتىق، قازاق ءتىلىنىڭ عىلىم-ءبىلىم، جاڭا تەحنولوگيا سالاسىنداعى قىزمەتتەرى ت.ب. تۋراسىندا ءسوز قوزعاۋ، پىكىر الماسۋ بولدى.

جوبا 2 الەۋمەتتىك توپقا باعىتتالعان. ءبىرىنشىسى – ءورىستىلدى ايماقتارداعى ەتنو-مادەني ورتالىقتاردىڭ وكىلدەرى، ەكىنشىسى – وقۋ ورىندارىنداعى ءورىستىلدى ستۋدەنت جانە جۇمىسشى-جاستار.

           جوبا اياسىندا اتالعان وبلىستاردا ۇستىمىزدەگى جىلدىڭ 15 قازانىنان          6 قاراشاسىنا دەيىن كەزدەسۋ، دوڭگەلەك ۇستەل، بريفينگ تۇرىندە بارلىعى        39 شارا وتكىزىلدى. جوبانىڭ جۇمىس توبى قۇرامىندا بەلگىلى قوعام قايراتكەرلەرى، تانىمال ساياساتكەرلەر، جەرگىلىكتى بەلسەندىلەر، جەرگىلىكتى جەرلەردەگى تىلدەردى دامىتۋ جانە ىشكى ساياسات باسقارمالارىنىڭ باسشىلارى بولدى. جوبانىڭ بارلىق شارالارىنا بەلگىلى قوعام قايراتكەرى د.كوشىم جەتەكشىلىك ەتتى.

جوبا شىعىس قازاقستان وبلىسىنىڭ وسكەمەن، ريددەر، كۋرچاتوۆ، سەمەي قالالارىن، بورودۋليحا، گلۋبوكوە، زىريان، شەمونايحا اۋداندارىن، پاۆلودار وبلىسىنىڭ پاۆلودار، ەكىباستۇز، اقسۋ قالالارىن، ۋسپەن، جەلەزين، پاۆلودار، شەرباقتى، ەرتىس اۋداندارىن، قاراعاندى وبلىسىنىڭ قاراعاندى، تەمىرتاۋ، ساران، شاحتينسك قالالارىن، وساكاروۆ، اباي، بۇحار جىراۋ، نۇرا اۋداندارىن قامتىدى.

الادعى كۇندەرى وسى شارالاردى قورتىندىلاۋعا ارنالعان بريفينگ وتەدى. بريفينگكە بەلگىلى ساياساتكەرلەر د.كوشىم، ا.سارىم، ر.جۇمالى، قاراعاندى، شىعىس قازاقستان، پاۆلودار وبلىستارىنىڭ تىلدەردى دامىتۋ باسقارماسىنىڭ باسشىلارى گ.قاڭتاربەكوۆا، ا.شايماردانوۆ، ق.ەدىلباي جانە ت.ب. قاتىسادى.

بريفينگتە "قازاقستاننىڭ بولاشاعى – قازاق تىلىندە" جوباسى اياسىندا وتكىزىلگەن شارالار قورىتىندىلانادى.

 بريفينگ استانا قالاسى، Cىعاناق كوشەسى، 27«پەكين پالاس» قوناقۇيىنىڭ «شانحاي» زالىندا 17 قاراشا كۇنى ساعات 15.00-دە باستالادى.  

اباي-اقپارات