الماتىدا جۋرناليست بوتا جۇمانوۆاعا شابۋىل جاسادى دەگەن كۇدىكپەن ەر ادام ۇستالدى، - دەپ حابارلايدى قازاقپارات اگەنتتىگى قالالىق ءىىد ءباسپاسوز قىزمەتىنە سىلتەمە جاساپ.

اتالعان وقيعاعا قاتىسى بار دەگەن كۇدىكپەن ءىىب مەن المالى اۋداندىق پوليتسيا ءبولىمىنىڭ قىزمەتكەرلەرى جاركەنت قالاسىنىڭ 1993 جىلعى تۋماسىن ۇستادى.

قر قىلمىستىق-پروتسەسسۋالدىق كودەكسىنىڭ 128-بابىنا سايكەس كۇدىكتى ۋاقىتشا ۇستاۋ يزولياتورىنا قامالدى.  الماتى قالالىق ءىىد سوتقا دەيىنگى تەرگەۋ امالدارىن جۇرگىزىپ جاتىر.

ەسكە سالا كەتەيىك، 8 قازان كۇنى بەلگىسىز بىرەۋ  جۋرناليست بوتا جۇمانوۆاعا ءۇيىنىڭ قاسىندا شابۋىل جاساپ، اياۋسىز ۇرىپ كەتكەن. 10 قازان كۇنى بۇل وقيعا  تۇسىرلگەن ۆيدەو عالامتوردا پايدا بولدى. 

اباي-اقپارات