مەكتەپ وقۋشىلارىنا ارنالعان وقۋلىقتارعا قاتىستى تاعى دا ماسەلە كوتەرىلىپ جاتىر. بۇل جولعى وقۋلىق «جىرى» 9-سىنىپقا ارنالعان «قازاق ادەبيەتى» كىتابىنداعى قامبار باتىردىڭ «ىشكىشتىگى» مەن «شىلىمقورلىعىنان» شىعىپ تۇر. قىسقاسىن ايتقاندا، قارا قاسقا اتتى قامباردىڭ ء«تارتىبى» اتا-انالاردى قاتتى الاڭداتۋدا. «ايگىلى جىرداعى مىنا جولداردى وقىعان بالالار نە ويلايدى؟ ءبىز بىلەتىن قامبار باتىردىڭ بۇنداي بۇزىق تىرلىگى جوق ەدى عوي»، - دەيدى الەۋمەتتىك جەلىلەردە پىكىر ءبولىسىپ، باتىر قامبار مەن قىز نازىمنىڭ «قىلىعىنان» تۇڭىلگەن قوعام بەلسەندىلەرى. ءسوزىمىز دالەلەدى بولۋ  ءۇشىن جىرعا كوز جۇگىرتەيىك:

بۇل نە؟ قازاق ءتىلدى وقۋلىقتىڭ وسىنداي ولقى تۇستارىن كوبەيتىپ، قازاق مەكتەپتەرى تۋرالى كەلەڭسىز پىكىر تۋدىرا بەرۋ مە، الدە الدەكىمدەردىڭ جاۋاپسىزدىعى، سالعىرتتىعى ما؟ سولاي دەپ ويلاعاننىڭ وزىندە قامبار باتىر جىرىنىڭ اعا ۇرپاق وقىعان، جاتتاعان، قالامقاس وراشەۆا سياقتى جىرشىلار  تاسپاعا جازدىرعان نۇسقالارىندا تاپ مىنانداي جولدار بار ما ەدى؟ جوق ەدى عوي. ەندەشە مىناۋ نە؟ تاعى دا ءبىلىم جانە عىلىم مينيسترلىگىنىڭ «قۇلاعىن شۋلاتىپ»، «قازاق ادەبيەتى» وقۋلىعىنداعى ورىنسىز كەتكەن قاتەگە قاتىستى قانداي جاۋاپ بەرەتىنىن كۇتەمىز.

Abai.kz