تاجىكستان: بيلىك بۇلىكتىڭ الدىن الا المادى
تاجىكستاننىڭ جوعارعى سوتىنىڭ توراعاسى شەرماحماد شوحيون ەلدىڭ قۇقىق قورعاۋ ورگاندارى وتكەن جىلدىڭ قىركۇيەگىندە بۇرىنعى قورعانىس ءمينيسترىنىڭ ورىنباسارى ابدۋحاليم نازارزودانىڭ باسشىلىعىمەن بولعان بۇلىكتىڭ الدىن الا المادى دەپ، اتالعان مەكەمەنى جاۋاپسىز دەپ ايىپتادى.
جوعارعى سوت توراعاسى الدىن الا تەرگەۋ جۇمىستارى كەزىندە تاجىكستاندا تىيىم سالىنعان يسلامنىڭ وركەندەۋى پارتياسىنىڭ ليدەرى مۋحيددين كابيريدىڭ جانە ونىڭ وزگە ارىپتەستەرىنىڭ كوتەرىلىسكە تىكەلەي قاتىستى بولعانى انىقتالدى دەيدى. ءشوحيوننىڭ سوزىنشە، مۋحيددين كابيريدىڭ ءوزى بۇلىكتى تىكەلەي قارجىلاندىرعان.
ول بۇل وقيعاعا قاتىستى قىلمىستىق ءىس جوعارعى سوتقا كەلىپ تۇسكەنىن، ال يسلامنىڭ وركەندەۋى پارتياسىنىڭ بەلسەندىلەرىنە قاتىستى ءىستى ەلدىڭ باس پروكۋراتۋراسى زەرتتەپ جاتىر دەدى.
اباي-اقپارات
