21 مامىرداعى ميتينگكە قاتىستى ىشكى ىستەر ءمينيسترى قالمۇحانبەت قاسىموۆ مالىمدەمە جاسادى،-دەپ حابارلايدى  يا «NewTimes.kz».

ء«بىز، ارينە بارلىق ءىس-شارالاردى باقىلاپ وتىرامىز. بىراق، مەنىڭ ويىمشا ميتينگكە قاتىستى بارلىق سۇراقتاردىڭ جاۋابى بەرىلىپ قويدى. بۇل توڭىرەكتە اڭگىمە بولماۋى كەرەك ەندى. سەبەبى، قازىر ءدال وسى ماسەلەگە قاتىستى مەملەكەتتىك كوميسسيا جۇمىستارىن باستادى جانە بارلىق سۇراقتار سول كوميسسيانىڭ تالقىلاۋىنا بەرىلدى. ال ميتينگ ءۇشىن ميتينگكە شىعۋ ورىنسىز دەپ ەسەپتەيمىن»،-دەيدى مينيستر.

سونىمەن قاتار، مينيستر مىرزا زاڭسىز جانە رۇقسات ەتىلمەگەن ميتينگكە شىققانداردىڭ جازالاناتىنىن دا جاسىرعان جوق.

«بىزدە ميتينگ وتكىزۋ تۋرالى ارنايى زاڭ بار. ولار (باستاماشىلار – رەد .) جەرگىلىكتى اتقارۋشى ورگانعا بارىپ، رۇقسات سۇراۋى ءتيىس. سودان كەيىن عانا اتقارۋشى ورگانداعىلار كوللەكتيۆتىك جيىنعا ارنايى بەلگىلەنگەن ورىندى كورسەتىپ بەرەدى. ونىڭ وزىندە ءتارتىپ ساقتالۋى ءتيىس. ەگەر قوعامدىق ءتارتىپ بۇزىلعان جاعدايدا جاۋاپقا تارتىلادى»،-دەيدى ءىىم باسشىسى.

وسىنىڭ الدىندا حابارلاعانىمىزداي، 14 مامىر كۇنى استانادا جەردى ساتۋ جانە جالعا بەرۋ ماسەلەسىن تالقىلايتىن ارنايى كوميسسيا ءوز جۇمىسىن باستاعان بولاتىن. مەملەكەت باسشىسى نۇرسۇلتان نازارباەۆتىڭ تىكەلەي تاپسىرماسى بويىنشا قۇرىلعان كوميسسيانىڭ قۇرامىنا 75 ادام كىرگەن. الايدا ءبىر ادام (ماكس بوقاەۆ) كوميسسيا جۇمىسى باستالماي جاتىپ اتالعان كوميسسيا قۇرامىندا جۇمىس ىستەۋدەن باس تارتسا، قوعام بەلسەندىسى ماقسات نۇرىپباەۆ كوميسسيانىڭ العاشقى وتىرىسىنان كەيىن مۇشەلىكتەن باس تارتتى.

Abai.kz