رەسەي مەن اقش الەپپوداعى سوعىستى توقتاتۋعا كەلىستى
اقش پەن رەسەي سوڭعى كەزدە اشىق سوعىس ءجۇرىپ جاتقان سيريانىڭ سولتۇستىگىندەگى الەپپودا ۇرىستى توقتاتۋ جونىندە كەلىسىمگە كەلدى.
بۇل كەلىسىم جونىندە حابارلاعان اقش مەملەكەتتىك دەپارتامەنتى ماسكەۋ مەن ۆاشينگتون سونىمەن بىرگە ءبىتىم شارتىن باقىلاۋدى كەڭەيتۋدى ۇيلەستىرۋ جونىندە كەلىسىمگە كەلگەندەرىن مالىمدەدى. "ماڭىزدىسى رەسەي بىتىمگەرلىكتى ساقتاۋ ءۇشىن سيريا پرەزيدەنتى باشار اسادتقا قىسىم جاساۋ كەرەك، ال قۇراما شتاتتارى سيريالىق وپپوزيتسيالىق كۇشتەرمەن ءوزارا كەلىسىمگە كەلۋ ءۇشىن جۇمىس جاسايدى", – دەپ اتاپ ءوتتى امەريكالىق سىرتقى ساياسات مەكەمەسى.
سيريانىڭ ءىرى قالالارىنىڭ ءبىرى الەپپودا سوڭعى ەكى اپتادان بەرى ۇرىس ۇزدىكسىز جالعاسىپ كەلەدى.
اباي-اقپارات
