Ресей мен АҚШ Алепподағы соғысты тоқтатуға келісті
АҚШ пен Ресей соңғы кезде ашық соғыс жүріп жатқан Сирияның солтүстігіндегі Алеппода ұрысты тоқтату жөнінде келісімге келді.
Бұл келісім жөнінде хабарлаған АҚШ мемлекеттік департаменті Мәскеу мен Вашингтон сонымен бірге бітім шартын бақылауды кеңейтуді үйлестіру жөнінде келісімге келгендерін мәлімдеді. "Маңыздысы Ресей бітімгерлікті сақтау үшін Сирия президенті Башар Асадтқа қысым жасау керек, ал Құрама Штаттары сириялық оппозициялық күштермен өзара келісімге келу үшін жұмыс жасайды", – деп атап өтті америкалық сыртқы саясат мекемесі.
Сирияның ірі қалаларының бірі Алеппода соңғы екі аптадан бері ұрыс үздіксіз жалғасып келеді.
Абай-ақпарат
