ەلباسى نۇرسۇلتان ءابىشۇلى استانا توڭىرەگىندەگى جاعىمسىز ءيىس شىعارىپ تۇرعان تالدىكول توعانىنا قاتىستى استانا اكىمى ادىلبەك جاقسىبەكوۆكە قاتاڭ ەسكەرتۋ جاسادى،-دەپ جازادى Total.kz پورتالى.

«تاسماعامبەتوۆ التى جىلدا  تۇك بىتىرگەن جوق (ەلباسىنىڭ اتالعان توعانعا قاتىستى قاراتىپ سويلەگەن ءسوزى – رەد.). ەندى سەن دە ەشتەڭە ىستەي الماي وتىرسىڭ. ساسىپ جاتىر.  ەگەر وسى ماسەلەنى بيىل شەشپەسەڭ، تالدىكولدىڭ جانىنان كيىز ءۇي تىگىپ بەرەمىن. ساسىق ءيىستى يىسكەپ، سوندا تۇراتىن بولاسىڭ. 6 ميلليارد جۇمسادىڭدار، ناتيجە بولسا جوق. مىناداي ساسىق ءيىسى مۇمكىپ تۇرعان قالاعا كىم كەلەدى، ايتشى؟ تەك قانا تاپسىرما بەرىپ، مەملەكەت قارجىسىنا قانشا جوبا ۇسىنىلدى. كىم جاۋاپ بەرەدى؟ قاشان ماسەلە شەشىلەدى؟ وسى شارۋاعا جاۋاپتى بارلىعىڭا، ۇكىمەتكە تاپسىرما بەرەمىن. تالدىكولدىڭ ساسىق ءيىسىن جويىڭدار.ماسقارا! ءبىز ەلوردامىز وسىنداي دەپ ماقتانامىز كەپ. استانامىز ساسىپ جاتىر... 2017 جىلى شە؟ 2017 جىلى ەكسپو بولاتىن كەزدە قايتەسىڭ؟»،- دەدى نۇرسۇلتان نازارباەۆ.

ەلباسىنىڭ قاتاڭ سىنىنا جاقسىبەكوۆ جاق اشپاعانىمەن، ونىڭ ورىنباسارى قوسمان ايتمۇحامەتوۆ جاۋاپ بەرىپ كورۋگە تىرىسقان. ارى قاراي پرەزيدەنت پەن اكىمشىلىكتەگى لاۋازىمدى باسشىلاردىڭ اراسىنداعى ديولوگ:

-قازىر ءبىز اتالعان توعانداعى ساسىق سۋدىڭ مولشەرىن 2200-دەن 1600-گە دەيىن تومەندەتتىك.

-سەن ماعان مىنانى ايت، ساسىق ءيىستى ءبىرجولاتا جوعالتۋ ءۇشىن نە ىستەۋ كەرەك؟ ءدال وسى جىلى، 2016 جىلى؟

-ۋجە ول جەردى 37 پايىز تازارتتىق...

- قايدا؟  ساسىق سۋدى قايدا جىبەردىڭدەر؟

-جوق. جىل سوڭىنا دەيىن ءبىز اتالعان پروبلەمانى تولىعىمەن شەشەمىز.توعانداعى بارلىق شلامداردى تازالاپ شىعامىز.

-ۆوت، سول شلامدار ساسىق ءيىس شىعارىپ تۇرعان. ونى ەندى قايدا جىبەرىپ جاتىرسىڭدار؟

- ولار بىزدە گەوتەكستيلدى قاپتاردا. ودان ساسىق ءيىس شىقپايدى. مۇنداي ءيىستى توعانداعى گاز شىعارادى ەكەن.

-ونداعى ەسكى سۋدى تازالاپ، اۋىستىرۋ كەرەك! قاشان ىستەيسىڭدەر؟ بيىل بىتە مە؟

-ءبىز بيىلعى جىلدىڭ سوڭىنا دەيىن ونداعى سۋ كولەمىن 20 ميلليونعا دەيىن ازايتامىز. قازىر بۇل 58 ملندى قۇراپ تۇر...

-ەستىگىم كەلمەيدى. ول وزدەرىڭىنىڭ شارۋالارىڭ.سول ءۇشىن سەندەگە جالاقى تولەپ وتىرمىز عوي. سەن ماعان مىنا ايت. قاشان اياقتايسىڭدار؟ بيىل ما؟

-...كەلەر جىلى...

-مەن بيىل بىتىرەسىڭدەر دەپ وتىرمىن!

 -ءبىز بارلىق شارۋالاردى بيىل ءبىتىرۋ ءۇشىن بار كۇشىمىزدى سالامىز.

-ەگەر ماسەلەنى بيىل شەشپەيتىن بوسلاڭ، مەن سەنى جۇمىسىڭنان بوساتامىن. ءتۇسىندىڭ بە؟ ساعان نە كەرەك ەكەنىن قازىر ايت. جاۋاكەرشىلىكتى موينىڭا العان ەكەنسىڭ، ماسەلەنى شەشۋگە مىندەتتىسىڭ.ساعان وسىنى قانشا رەت ءايتتىم؟ى. ساعان سۇراعاندارىڭدى بەردىك قوي. اقشا بار، مۇمكىندىك بار. نە ىستەۋ كەرەك ەكەنىن جاقسى بىلەمىز. سەن كوممۋنالدى قىزمەكتەرسىڭ، نە ىستەۋ كەرەك ەكەنىن جاقسى بىلەسىڭ. اكىم ساعان كومەكتەسپەي مە؟

وسى جەردەن استانا اكىمى ادىلبەك جاقسىبەكوۆ مىرزا سوزگە ارالاسىپ، ورىنباسارىنا اراشا تۇسكەن.

ء«بىز بىيىل بۇل ماسەلەنى تولىق شەشەمىز، نۇرسۇلتان ءابىشۇلى»،-دەدى جاقسىبەكوۆ.

«بيىل ساسىق ءيىس بولمايدى عوي؟»،-دەپ قايتالاپ سۇرادى ەلباسى.

«بيىلعى جىلدىڭ سوڭىنا دەيىن استاناداعى ساسىق ءيىس مۇلدە بولمايدى!»،-دەپ تۇيىندەدى جاقسىبەكوۆ مىرزا.

نۇرزات توعجان

Abai.kz