«اتامەكەن» ۇلتتىق كاسىپكەرلەر پالاتاسى مەن دەنساۋلىق ساقتاۋ جانە الەۋمەتتىك دامۋ مينيسترلىگى دەنساۋلىق ساقتاۋ سالاسىندا مەملەكەتتىك-جەكە مەنشىك ارىپتەستىكتى قولدانۋ ارقىلى جاڭا جوبالار دايىنداۋ ۇستىندە.

 «اتامەكەن» قر ۇكپ باسقارما توراعاسىنىڭ ورىنباسارى يۋليا ياكۋپباەۆانىڭ جانە قر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ەلجان ءبىرتانوۆتىڭ قاتىسۋىمەن دەنساۋلىق ساقتاۋ سالاسىندا ءمجا-ءنى دامىتۋعا بايلانىستى جۇمىس توبىنىڭ العاشقى وتىرىسى ءوتتى.

قازىرگى تاڭدا مەملەكەت پەن جەكە مەنشىك اراسىنداعى بايلانىستىڭ دامۋىنا كەدەرگى بولىپ وتىرعان نەگىزگى ماسەلەلەر مىناداي: جوبالاردى ماقۇلداۋ پروتسەسىنىڭ ۇزاققا سوزىلۋى،  ينۆەستورلىق تاۋەكەلدەردىڭ ورنىن تولتىرۋدىڭ، مەملەكەتتىك قولداۋ مەن كەپىلدى وتكىزۋدىڭ بولماۋى. ۇكپ باسقارما توراعاسى ورىنباسارىنىڭ پىكىرىنشە، الدىمەن ءمجا جوبالارىن جۇزەگە اسىرۋ راسىمدەرىنىڭ مەرزىمدەرىن قىسقارتىپ، جەڭىلدەتۋ قاجەت.

«مەملەكەتتىك-جەكەمەنشىك ارىپتەستىك سالاسىندا قولدانىلىپ جۇرگەن نورماتيۆتىك-قۇقىقتىق بازالارعا جۇرگىزىلگەن تالداۋ ناتيجەلەرى ءمجا جوباسىن جوسپارلاۋدان باستاپ، ءمجا شارتىنا قول قويعانعا دەيىنگى راسىمدەردىڭ بارلىعى ۇزاق مەرزىمگە سوزىلاتىنىن كورسەتىپ بەردى. جالپى العاندا قۇجاتتاردى دايىنداۋعا، ساراپتاما جۇرگىزۋ مەن كونكۋرس وتكىزۋگە 300 جۇمىس كۇنىنەن ارتىق ۋاقىت كەتەدى. بۇل جوبانىڭ تارتىمدىلىعىن تومەندەتەدى»، – دەيدى يۋليا ياكۋپباەۆا.

سونىمەن قاتار، كونكۋرس جەڭىمپازىن انىقتاۋ ءراسىمىنىڭ ءوزى كۇردەلى ءارى اشىق ەمەس. جەڭىمپاز 12 كريتەري نەگىزىندە تاڭدالادى. بۇل وتە كۇردەلى. جەڭىمپازدى ىرىكتەۋ ءراسىمى قىزىعۋشىلىق تانىتقان بارلىق تاراپتارعا تۇسىنىكتى بولۋى شارت.

وسىعان بايلانىستى يۋ.ياكۋپباەۆا ۇلتتىق پالاتانىڭ ءراسىمدى جەڭىلدەتۋ جانە الەۋەتتى ينۆەستورلار ءۇشىن ءمجا نىساندارىنىڭ تارتىمدىلىعىن ارتتىرۋ جونىندەگى ۇسىنىستارىن ايتىپ ءوتتى.

سول ۇسىنىستاردىڭ قاتارىندا ءمجا جوبالارى بويىنشا قۇجاتتاردى قىزىعۋشىلىق تانىتىپ وتىرعان ورگاندارمەن بىرگە قاراۋ، راسىمدەردى وتكىزۋ مەرزىمىن قىسقارتۋ، جەكە قۇرىلىمداردى تارتۋ ارقىلى (قارجىلىق ينستيتۋتتار، اۋديتورلىق جانە كونسالتينگتىك كومپانيالاردى) ءمجا جوبا تۇجىرىمداماسى مەن كونكۋرستىق قۇجاتتارىنا ساراپتاما جاساۋ ءۇشىن مەملەكەتتىڭ قارجى اگەنتتەرىنىڭ قاتارىن كوبەيتۋ ماسەلەلەرى دە بار. سونىمەن قاتار، كاسىپكەرلەرگە ارناپ ءمجا مەحانيزمدەرى ناقتى سيپاتتالعان تۇسىنىكتى جادىناما دايىنداۋ قاجەت.

«پيلوتتىق جوبالاردى تابىستى جۇزەگە اسىرۋ تاجىريبەسى وڭىرلەردە جۇزگە اسىرىلعان جوبا ۇلگىلەرىن تيراجداۋعا مۇمكىندىك بەرىپ، ءمجا مەحانيزمدەرىن ەنگىزۋگە سەرپىن بەرەتىنىنە سەنىمدىمىن»، – دەدى ۇكپ باسقارما توراعاسىنىڭ ورىنباسارى.

دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ەلجان ءبىرتانوۆ دەنساۋلىق ساقتاۋ مينيسترلىگى تاراپىنان قازاقستاندا مەملەكەتتىك-جەكەمەنشىك ارىپتەستىكتى جانداندىرۋ بويىنشا قانداي شارالار قاراستىرىلعانىن ايتىپ بەردى.

ء«بىز دەنساۋلىق ساقتاۋ جۇيەسىندە ءمجا-ءنى دامىتۋ جونىندەگى جول كارتاسىن ازىرلەدىك. ەڭ الدىمەن، وندا جەكە كومپانيالاردى تەگىن مەديتسينالىق كومەكتىڭ كەپىلدىك بەرىلگەن كولەمىنە جانە مىندەتتى الەۋمەتتىك مەديتسينالىق ساقتاندىرۋ قىزمەتتەرىنە كومەك كورسەتۋگە تارتۋ راسىمدەرىن جاقسارتۋ قاراستىرىلعان.  قازىرگى ۋاقىتتا مەديتسينالىق ساقتاندىرۋ جۇيەسىندە مەديتسينالىق قىزمەتتەردى جەتكىزۋشىلەردى ىرىكتەۋ مەن شارت جاساسۋ ەرەجەلەرىن ازىرلەۋدەمىز.  سوڭعى كەزدە جەكە كلينيكالارعا دەگەن نارازىلىقتار كوبەيىپ كەتكەندىكتەن، اسىرەسە، جەكە كلينيكا وكىلدەرىنىڭ قاتىسۋىمەن تالقىلانىپ، ماقۇلداۋ ءۇشىن جوبا ۇكپ-عا جىبەرىلەدى. ء بىز ستراتەگيالىق تۇرعىدان مۇنى تۇزەتۋگە دايىنبىز»، – دەدى ول.

ءبىرتانوۆ مەملەكەتتىك-جەكەمەنشىك ارىپتەستىكتىڭ بىرنەشە باعىتتارىن تىزبەلەپ بەردى. ء«بىرىنشى باعىت – ء«مجا تۋرالى» جانە «كونتسەسسيالار تۋرالى» زاڭدارعا سايكەس، جەكە ينۆەستوردىڭ ەسەبىنەن قۇرىلىس سالۋ جانە باسقارۋ».  دەنساۋلىق ساقتاۋ ءمينيسترىنىڭ ورىنباسارى يۋ.ياكۋپباەۆانىڭ «ولاردى ازىرلەۋ پروتسەسىنىڭ ۇزاقتىعى، قارجىلىق قولجەتىمدىلىك پەن تاريف جاساۋ جانە قارجىلىق مودەلدەۋ سياقتى ماسەلەلەر بار» دەگەن ويلارىمەن كەلىستى. ول: «پيلوتتىق جوبالاردى تيراجداۋ مەرزىمدى ايتارلىقتاي قىسقارادى»، – دەگەن سەنىم ءبىلدىردى.

ەكىنشى باعىت رەتىندە شەنەۋنىك مەملەكەتتىك مەديتسينالىق نىسانداردى سەنىمدى باسقارۋعا بەرۋدى اتاپ ءوتتى.  «ونىڭ ءمانى مىنادا، ءبىز اقىر سوڭىندا مەديتسينالىق ساقتاندىرۋ جۇيەسىندە ازاماتتارىمىزعا كلينيكانى ءوز ەركىنشە تاڭداۋ مۇمكىندىگىن ۇسىنۋدى كوزدەۋدەمىز. قازىرگىدەي ەمەس: قالالىققا – تەگىن، جەكەگە – اقىلى. مىندەتتى ساقتاندىرۋ جۇيەسىندە، ەگەر ادام جەكە كلينيكانى تاڭداسا، وندا ونىڭ تولەمدەرىن مەديتسينالىق ساقتاندىرۋ قورى تولەيدى. وسىعان سايكەس، جەكە كلينيكالاردىڭ باسىم بولىگىنىڭ مەديتسينالىق ساقتاندىرۋ قورىمەن جۇمىس ىستەۋىنە مۇددەلىمىز.  بۇگىنگى تاڭدا مەديتسينالىق قىزمەتتەردىڭ ورنىن تولتىرۋعا كەتەتىن  مەملەكەتتىك قارجىنىڭ 9%-دايى جەكە سەكتورعا ورنالاستىرىلعان.  بۇل وتە از. ءبىز بۇل سومانى جاقىن اراداعى ءۇش جىلدىڭ ىشىندە كەم دەگەندە ەكى ەسە كوبەيتۋدى قالاپ وتىرمىز»، – دەپ ءتۇسىندىردى ول.

جينالىستى قورىتا كەلە، ۇكپ باسقارما توراعاسىنىڭ ورىنباسارى يۋ.ياكۋپباەۆا جۇمىس توبىنىڭ قۇرامىنان دەنساۋلىق ساقتاۋ سالاسىنداعى ءمجا جوبالارىن ماقۇلداۋ راسىمدەرىن وڭتايلاندىرۋعا باعىتتالعان جوبالىق توپ قۇرۋدى ۇسىندى. سونىمەن قاتار، پيلوتتىق جوبالاردى كەلەسى باعىتتار بويىنشا انىقتاۋعا شەشىم قابىلداندى: قۇرىلىس، قايتا قالپىنا كەلتىرۋ جانە جاڭعىرتۋ، سەرۆيستىك شارت جانە سەنىمدى باسقارۋعا بەرۋ.

Abai.kz