سوروونباي جەەنبەكوۆتى ۇكىمەت باسشىلىعىنا قىرعىزستاننىڭ سوتسيال-دەموكراتيالىق پارتياسى ۇسىندى. پارلامەنتتەگى وپپوزيتسياشىل "رەسپۋبليكا – اتا-جۋرت" جانە "بير بول" فراكتسيالارى دا پرەمەر-مينيسترگە ۇسىنىلعان كانديداتتى قولدادى.

ال دەپۋتاتتارمەن تانىسقان جاڭا ۇكىمەت باسشىسى ءوزىنىڭ جاڭا باعدارلاماسىن تانىستىرا كەلە، مەملەكەتتى دامىتۋ ستراتەگياسىندا كورسەتىلگەن ۇلتتىق ينۆەستيتسيالىق جوبالاردى جۇزەگە اسىرۋدى جالعاستىرۋعا نيەتتى ەكەنىن مالىمدەگەن.

ۇكىمەت قۇرىلىمى نەگىزىنەن وزگەرىسسىز قالعان. تەك قۇرامىنا بىرقاتار وزگەرىستەر ەنگىزگەن. پارلامەنتتىڭ سپيكەرى، پرەمەر-ءمينيستردىڭ اعاسى اسىلبەك جەەنبەكوۆ مەملەكەتتىك قىزمەت جونىندەگى زاڭ تالاپتارىن ساقتايمىن دەپ قىزمەتىنەن كەتتى. وندا زاڭعا سايكەس، قىرعىزستاندا تۋىس ادامدار بىردەي مەملەكەتتىك جوعارى قىزمەتتى يەلەنە المايدى.

پارلامەنتتە سپيكەر ورىنتاعىنا جاڭا ۇمىتكەرلەردىڭ اتى-جوندەرى اتالا باستادى. ولار – "قىرعىزستان» فراكتسياسىنىڭ ليدەرى كانات يساەۆ، باكىت توروباەۆ ("ونۋگۋ-پروگرەسس") جانە كوپشىلىك كواليتسياسىنىڭ باسشىسى، سوتسيال-دەموكرات چىنىباي تۋرسۋنبەكوۆ.

اباي-اقپارات