حالىقارالىق Homsters.kz كومپانياسىنىڭ ساراپشىلارى استانا قالاسىنداعى ەڭ قىمبات پاتەرلەردىڭ رەيتينگىن دايىندادى. ەلورداداعى ەليتالىق جىلجىمايتىن مۇلىكتىڭ توپ-بەستىگىنە ەسىلدىڭ سول جاق جاعالاۋىندا، ياعني قازاقستاننىڭ باس قالاسىنىڭ ىسكەري جانە ساياسي ورتالىعىندا ورنالاسقان ۇيلەر كىرىپ وتىر.

ساتىلاتىندىعى تۋرالى حابارلاندىرۋ Homsters.kz سايتىندا جاريالانعان ەڭ قىمبات پاتەر «التاير» تۇك-ىندە ورنالاسقان. التى بولمەدەن تۇراتىن، جالپى اۋماعى 404 شارشى مەتردى قۇرايتىن ءۇيدى 730 ملن تەڭگەگە ساتىپ الۋعا بولادى، بۇل اقش دوللارىنا شاققاندا 2,13 ميلليون كولەمىندەگى قارجىنى قۇرايدى. اتالعان پاتەردىڭ ءبىر شارشى مەترىنىڭ باعاسى – 1,8 ملن تەڭگە ($5,3 مىڭ). ساتۋشىلاردىڭ ايتۋىنا قاراعاندا، بۇل ءۇيدىڭ بارلىق جيھازى مەن ارلەۋگە ارنالعان قۇرىلىس ماتەريالى ۆەنەتسيادان اكەلىنگەن.

Aباي-اقپارات