Халықаралық Homsters.kz компаниясының сарапшылары Астана қаласындағы ең қымбат пәтерлердің рейтингін дайындады. Елордадағы элиталық жылжымайтын мүліктің ТОП-бестігіне Есілдің сол жақ жағалауында, яғни Қазақстанның бас қаласының іскери және саяси орталығында орналасқан үйлер кіріп отыр.

Сатылатындығы туралы хабарландыру Homsters.kz сайтында жарияланған ең қымбат пәтер «Альтаир» ТҮК-інде орналасқан. Алты бөлмеден тұратын, жалпы аумағы 404 шаршы метрді құрайтын үйді 730 млн теңгеге сатып алуға болады, бұл АҚШ долларына шаққанда 2,13 миллион көлеміндегі қаржыны құрайды. Аталған пәтердің бір шаршы метрінің бағасы – 1,8 млн теңге ($5,3 мың). Сатушылардың айтуына қарағанда, бұл үйдің барлық жиһазы мен әрлеуге арналған құрылыс материалы Венециядан әкелінген.

Aбай-ақпарат