ۇقكشۇ قىرعىز-وزبەك شەكاراسىنداعى جاعدايعا الاڭدايدى
قىرعىز تارابىنىڭ باستاماسىمەن 22 ناۋرىزدا ۇقكشۇ تۇراقتى كەڭەسىنىڭ شۇعىل وتىرىس ءوتتى. بۇل تۋرالى قىرعىزستان ءسىم-ءنىڭ ءباسپاسوز قىزمەتى حابارلادى.
ۇقكشۇ جانىنداعى تۇراقتى جانە وكىلەتتى وكىل امان مامبەتسەيىتوۆتىڭ قىرعىزستاننىڭ جالال-اباد وبلىسى، اقسىي اۋدانى اۋماعىندا قىرعىز-وزبەك شەكاراسىنىڭ بەلگىلەنبەگەن بولىگىندەگى جاعداي تۋرالى بايانداماسى تىڭدالدى.
ۇقكشۇ تۇراقتى كەڭەسىنىڭ مۇشەلەرى قىرعىز-وزبەك شەكاراسىنداعى جاعدايدىڭ ۋشىعىپ بارا جاتقانىنا الاڭدايدى. سوندىقتان ماسەلەنى باقىلاۋدا ۇستاۋ تۋرلى شەشىم قابىلدانعان. قىرعىزستان جاعىنىڭ حابارلاۋىنشا، ۇيىمنىڭ تۇراقتى كەڭەسىنىڭ وتىرىسى 23 ناۋرىزدا جالعاسادى.
اباي-اقپارات
