وسى مەن سايقال ساياساتتىڭ ويىندارىن تۇسىنبەيمىن. تۇسىنگىم كەلمەيدى. ماسەلەن ءبىزدىڭ ساياسي پارتيالار حالىققا بىرەسە "بىلاي" دەيدى. "ايتتى-اۋ سابازىڭ" دەگەنشە ەكى كۇن وتپەي جاتىپ، الگى "باتىرىم" ەكىنشى جامباسىنا اۋناپ تۇسە سالادى. وسىنداي ءپاتۋاسىز ساياساتتان شارشادىم. 

اتىن اتاپ، ءتۇسىن تۇستەمەيىن. كەشە ەلىمىزدەگى "بەلسەندى" پارتيالاردىڭ ءبىرى  "سايلاۋ دوداسىنان شىعۋ جانە ساياسي شاراعا بويكوت جاريالاۋ مۇمكىندىگىن قاراستىرىپ جاتقانىن" حابارلادى.

"ويباي بويكوت" دەپ ءبارىمىز شۋ ەتە تۇستىك. بۇكىل حالىقتىڭ كوڭىلى سول پارتياعا اۋدى. ميسسيا ورىندالدى. ەندى ەرتەڭ، ء"بىز باعىمىزدى سىناپ كورەتىن" بولدىق دەي سالادى. 

قازاقستانداعى 17 ميلليون حالىقتى وسىنداي قۋلىقپەن الداۋعا بولا ما؟

الدامادى دەلىك... ەندەشە "حالقىم سەنگەن" پارتيا سوزىندە تۇرسىن! تاۋەلسىز قازاقستان ساياساتى تاريحىنا ەلەۋلى وقيعانى جۇزەگە اسىرۋشى بولىپ، اتىن قالدىرسىن!

اتىن بىلاي قويىپ، ەگەر ول پارتيا وسى قادامعا بارسا، بىزدەگى سايلاۋ جۇيەسىنىڭ ادىلەتسىزدىگىن، قازاقتىڭ ساياسي ويلاۋ جۇيەسى ونداي ادىلەتسىزدىككە ەندى توزبەيتىنىن كورسەتەر ەدى. 

مۇنداي قادامعا باراتىن پارتيا "قاراستىرىلىپ جاتىر" دەگەن اقپارات تاراتپايدى. "بويكوت جاريالايمىز" دەپ شەشىپ ايتادى. شەشىپ ايتپادى ما، ءبارى بەكەر...

مازاق بولعان حالقىم-اي! كوشەگە شىعىڭىز، تولعان باننەر... سۋرەتتەرگە تەلمىرە قارايسىز. قىزىعۋشىلىعىڭىز ويانىپ، "قاي پارتيانىڭ وكىلدەرى ەكەن؟" دەپ قارايسىز... سول ءوزىڭىز بىلەتىن ءبىر-اق - پارتيا... 

Cايلاۋعا تۇسەتىن جالعىز كۇش سول سەكىلدى (سەكىلدى دەپپىن-اۋ). 

باستى ساياسي كۇشتەرىمىز وسىنداي بولعان سوڭ، باسقادان نە قايىر؟ نە ءۇمىت؟

ءشارىپحان قايسار

Abai.kz