"نۇر-وتاننىڭ" تابليعشى مۇشەسى سوتتالدى
الماتى وبلىسىندا ەسترەميستىك دەپ تانىلعان ۇيىمنىڭ مۇشەلەرى سوتتالدى، - دەپ حابارلايدى 31 ارنا.
ەكى ازامات قازاقستان اۋماعىندا تىيىم سالىنعان «تابليعي جاماعات» ۇيىمىندا مۇشەلىكتە بولىپ، وبلىس اۋماعىندا ۇگىت-ناسيحات جۇمىستارىن جۇرگىزگەن دەپ ايىپتالعان بولاتىن. سوتتالعانداردىڭ ءبىرى بۇعان دەيىن «نۇر وتان» پارتياسىنىڭ ەكس-بەلسەندىسى، الماتى وبلىسىنداعى ەتنو-مادەني ورتالىقتىڭ ءبىرىنىڭ توراعاسى بولعان ۆاحا سۋرحاەۆ. ءبىر ىسپەن ەكىنشى قايتارا ايىپتالىپ وتىرعان لاۋازىمدى تۇلعاعا قاتىستى ءجۇرىپ جاتقان سوت تىڭدالىمدارى كوپشىلىكتىڭ نازارىن اۋدارعان ەدى.
ايىپتالۋشى ورىندىعىندا ەستاي دجاكاەۆ پەن ۆاحا سۋرحاەۆ. ەكىنشىسى وسىدان بىرەر جىل بۇرىن ءدال وسىنداي ارەكەتى ءۇشىن ءىستى بولعان. ول كەزدە «نۇر وتان» پارتياسىنىڭ ەكس-بەلسەندىسى، الماتى وبلىسىنداعى ەتنو-مادەني ورتالىقتىڭ ءبىرىنىڭ توراعاسى بولعان ۆاحا سۋرحاەۆ تابليعي جاماعات ۇيىمىن قارجىلاندىرىپ، ءتۇرلى ۇگىت ماتەريالدارىن تاراتتى دەپ ايىپتالعان.
اباي-اقپارات
