بۇگىندە پسيحولوگ ماماندار ادامداردىڭ مىنەز-قۇلقىن انىقتاۋدىڭ ءتۇرلى تاسىلدەرىن ويلاپ-تاپقان. سولاردىڭ ءبىرى - ادامنىڭ ۇيقى كەزىندەگى دەنە قالپىنا قاراپ، ونىڭ قانداي ەكەندىگىن وڭاي بىلۋگە بولادى. سونىمەن، ۇيقىداعى دەنەڭىزدىڭ كۇيى ءسىز تۋرالى قانداي مالىمەت بەرەدى؟ بۇل تۋرالى kazgazeta.kz سايتىندا جازىلدى.

1.ەگەر ۇيىقتاعان كەزدە تىزەڭىزدى بۇگىپ جاتساڭىز، وندا ءسىز بىرقالىپتى، سەنىم ارتۋعا بولاتىن، ەشكىمگە كەك ساقتامايتىن جانسىز. كەز كەلگەن ورتادا ءوزىڭىزدى جايلى سەزىنەسىز جانە ادامدارمەن تەز ءتىل تابىساسىز.

2.بۇك ءتۇسىپ ۇيىقتاساڭىز، ۇنەمى جاقىندارىڭىزدىڭ دەمەۋىنە، مورالدى قولداۋىنا مۇقتاجسىز. وتە سەزىمتال جانسىز. كەيدە، ءتىپتى، كوز جاسىنا ەرىك بەرەسىز. وسىلايشا، بۇك ءتۇسىپ ۇيىقتاعان كەزدە ءسىز سىرتقى ورتانىڭ جاعىمسىز اسەرلەرىنەن قورعانعانداي بولاسىز. ءوز شىعارماشىلىعىڭىزدىڭ شىڭدالۋىنا جول اشىڭىز: قولىڭىزدان كەلەتىن سۇيىكتى ىسپەن شۇعىلدانعانىڭىز ءجون. مىسالى سۋرەت سالىڭىز، بي ۇيىرمەسىنە قاتىسىڭىز. ەگەر دە ءسىزدىڭ جارىڭىز دا وسى كەيىپتە ۇيىقتاسا، ونى مازالاپ، «ميىن اشىتا» بەرمەڭىز. 

3.كوشباسشىلار ادەتتە اياق-قولدارىن ەركىن سەرمەپ جاتادى. مۇنداي ادامدار ءيمپۋلسيۆتى بولىپ كەلەدى. ولار جۇمىستا دا، وتباسىندا دا ءتارتىپ ورناتىپ، ءبارىن قاداعالاپ جۇرەدى. الدىن الا دايىندالىپ، الداعى كۇندەرىنە جوسپار قۇرىپ، دىتتەگەن ماقساتتارىنا وڭاي جەتەدى. تىڭعىلىقتىعى مەن قايتپاستىعىنا قاراي بۇل توپتاعى ادامدار كەز كەلگەن ءومىر اسۋلارىن دا وڭاي باعىندىرادى.

4. ۇنەمى شالقاسىنان ۇيىقتاعاندى ءپوزيتيۆتى، كوڭىلدى ادامدار ۇناتادى. ءسىز جۇرت نازارىن وزىڭىزگە اۋدارتىپ، شۋلى كەزدەسۋلەردىڭ ورتاسىندا جۇرگەندى قالايسىز. جۇمىستا ەڭبەكقورسىز، بىربەتكەي جانە شىندىقتى بەتكە ايتقاندى ۇناتاسىز. وتباسىندا دا، جۇمىستا دا كوشباسشىسىز. بار نازار تەك قانا وزىڭىزدە. بۇل كەيىپتە كوبىنە ەر ادامدار ۇيىقتايدى.

5.قاراۋىلدا تۇرعان كۇزەتشى سەكىلدى ۇيىقتاساڭىز، ومىردەگى ماقساتى ايقىن جانە سول ماقساتىنا اڭداپ باسىپ، اسىقپاي جەتەتىن جانسىز.ءسىز قاتالسىز جانە اينالاڭىزداعى ادامدارعا دا قاتالدىق تانىتاسىز. بىراق كوپ جاعدايدا وزىڭىزگە تىم كوپ جاۋاپكەرشىلىك الاسىز.

6.تىرنا سياقتى ۇيىقتايسىز با؟ سىزدەن ءبارىن كۇتۋگە بولادى دەگەن ءسوز. مىنەزىڭىز قۇبىلىپ تۇراتىندىقتان، جاقىندارىڭىز بەن اينالاڭىزداعى ادامداردى تاڭ قالدىرىپ، تامساندىراسىز. جىميىپ تۇرىپ، ايقايعا لەزدە باسۋىڭىز ابدەن مۇمكىن. كوپ جاعدايدا بەلگىلى ءبىر تاڭداۋ جاساعان كەزدە كوپ كىدىرىپ، قينالاسىز. ومىردە دە، قىزمەتتە دە تۇراقتىلىق پەن تىنىشتىقتى، ىقتياتتىلىقتى قالايسىز.

Abai.kz