اقتوبە قالاسىندا جىنىستىق قىزمەت كورسەتەتىن جىگىتتەردىڭ سانى كوبەيىپ كەلە جاتىر. ولار ءوز تاندەرىن اشىق ساۋدالاي باستاعان كورىنەدى.بۇل تۋرالى aktobetimes.kz سايتى حابارلادى.

“بىرەۋلەر ءۇشىن جەزوكشەلىك – كوڭىل كوتەرۋ، بىرەۋلەر ءۇشىن باي ادامدارمەن تانىسۋ مۇمكىندىگى”، – دەيدى پسيحولوگ رەنات تايپوۆ.

«ات» زەرتتەۋى بويىنشا اقتوبەدە 19-38 جاس ارالىعىنداعى بىرنەشە ەركەك ينتيمدىك قىزمەتتەر ۇسىنۋىمەن اينالىسا باستاعان. ايەلدەر اراسىنداعى جەزوكشەلىك كوشە بويىنان باستاپ ساۋنا، مونشالارعا دەيىن جالعاسىپ جاتسا، ەركەكتەر اراسىنداعى قىزمەتتىڭ بۇل ءتۇرى ارنايى سايتتار مەن الەۋمەتتىك جەلىلەر ارقىلى كەڭ تارالۋدا.

سايتتاردىڭ بىرىنە 25 جاستاعى اقتوبەلىك “نە قالاساڭىز، بارلىعىن جاسايمىن. مەنىمەن وتە اسەرلى بولادى” دەپ جازىپ تەلەفون ءنومىرىن قالدىرعان. كەلەسى اقتوبەلىك تە كەز-كەلگەن جاستاعى ايەلمەن بىرگە ۋاقىت وتكىزۋگە دايىن ەكەنىن جازىپتى. ءتىپتى كەيبىرەۋلەر اقشا سۇراماستان، ءوز ءلاززاتتارى ءۇشىن دە حابارلاما قالدىرىپ جاتادى. 23 جاستاعى ءبىر جىگىت مىندەتتى تۇردە اقشاعا تەك 30-35 جاس ارالىعىنداعى ايەلدەرگە قىزمەت كورسەتەدى ەكەن.

تاعى ءبىر جىگىت ءوزىن ماسساج جاساۋشىمىن دەپ تانىستىرعان. نەگىزىنەن ماسساجدى ايەلدەردىڭ اياعىنا جاساۋعا ماماندانعان ەكەن. جەلىدە ءتىپتى ترانسسەكسۋالداردىڭ دا جارنامالارى تولىپ ءجۇر.

29 جاستاعى ەر ادام حانىمدارعا ءبىر ساعات كورسەتكەن قىزمەتى ءۇشىن 5000 تەڭگە، ال ءتۇنى بويى توسەكتەس بولسا 17 مىڭ تەڭگە الادى.

الەۋمەتتىك جەلىدە گوموسەكسۋالدى قاتىناسقا تۇسەتىن ەر ادامنىڭ جارناماسىن وقىپ، حابارلاستىق. بەلگىلەنگەن ۋاقىتقا ازيالىق ءتۇر-سيپاتتاعى جاس جىگىت كەلدى.

“مەنىڭ ەسىمىم داۋرەن. 19 جاستامىن، ماماندىعىم – مەديك. اقتوبەگە قاراعاندىدان كەلگەنمىن”، – دەيدى ول. ايتۋىنشا، نەگىزى اتا-اناسى جىبەرەتىن اقشا وعان جەتكىلىكتى. بىراق، ول قالاعانىنشا كيىم الىپ، قىدىرىپ ءجۇرۋ ءۇشىن كوپ اقشا تاپقىسى كەلەدى ەكەن. سوندىقتان دا وسى ىسپەن جارتى جىلدان بەرى اينالىسا باستاپتى. «كليەنتتەرىمنىڭ اراسىندا عالىم دا، اسكەري ادام دا، قاراپايىم ادامدار دا بار» دەيدى ول.

عالىمدار مەن پسيحولوگتار ەر ادامداردىڭ جەزوكشەلىكپەن اينالىسا باستاعانىنا الاڭداۋشىلىق ءبىلدىرىپ وتىر.

ولار ۋاقىت وتە ايەلدەرگە قاراعاندا ءتانىن ساۋدالايتىن ەرلەر سانى ارتىپ كەتە مە دەپ قاۋىپتەنەدى.

Abai.kz