بايانداما مالىمەتى بويىنشا، رەسەي باسقاراتىن وداقتاعى تاۋار اينالىمىنىڭ تومەندەۋىنە ساۋدا ماسەلەلەرىندەگى ءوزارا تۇسىنبەۋشىلىك، سانكتسيالار رەجيمى جانە ايماقتاعى ەكونوميكالىق داعدارىس اسەر ەتكەن. ساراپشىلار ەاەس جوباسى «ايماقتا رەسەي ىقپالىن ۇلعايتىپ، ۇيىمنىڭ باسقا مۇشەلەرىنىڭ باتىسپەن قاتىناسىن شەكتەيدى» دەپ ەسەپتەيدى، دەلىنگەن باياندامادا.

قازاقستان، رەسەي جانە بەلارۋس باسشىلىعى كەدەن وداعى اياسىندا ەاەس قۇرعان ۋاقىتتا، وداققا بىرىگۋدەگى ماقسات - ەكونوميكانى كۇشەيتۋ، ورتاق تاۋار نارىعىن، كاپيتالىن، جۇمىس كۇشىن قالىپتاستىرۋ دەپ مالىمدەگەن ەدى. 2015 جىلى وداققا قىرعىزستان جانە ارمەنيا كىردى.

ترانسشەكارا ساۋدا ءتارتىبىن جەڭىلدەتۋ، ەڭبەك ميگرانتتارىنا جاعداي جاساۋ سەكىلدى جەڭىلدىكتەر قاراستىراتىن ەاەس وعان مۇشە ەلدەردىڭ ەكونوميكالارىن الەمدىك نارىقتان الشاقتاتا تۇسەدى، دەلىنگەن باياندامادا.

رەسەيدىڭ بۇل ۇيىمدى ەكونوميكالىق بىرلەستىك قانا ەمەس، «كورشى ەلدەرگە ىقپال ەتۋ تەتىگى» رەتىندە قابىلداۋى وداقتىڭ ءوز ىشىندە قايشىلىق تۋعىزادى دەپ ەسەپتەيدى ICG بايانداماسىنىڭ اۆتورلارى.

اباي-اقپارات