ازەربايجان جاعىنىڭ مالىمەتى بويىنشا، گازاح اۋدانىنداعى بالادجافارلي اۋىلىنداعى پوزيتسيالاردى ارمەنيانىڭ يدجەۆان اۋدانىنداعى ايگوۆيت ەلدى مەكەنى تۇسىنان اتقىلاعان.

سونداي-اق ازەربايجان قارۋلى كۇشتەرى پوزيتسيالارىنا تەرتەر اۋدانىنداعى چيليابۋرت، فيزۋللين اۋدانى گوراديز، اشاگى سەيداحمەدلي جانە اشاگى ۆەيسەللي اۋىلدارىنداعى پوزيتسيالاردان وق اتىلعان دەپ حابارلادى ترەند اگەنتتىگى ازەربايجاندىق اسكەريلەرگە سىلتەمە جاساپ. بۇل ايىپتاۋلارعا قاتىستى ارمەنيا قارۋلى كۇشتەرى وكىلدەرىنەن ازىرشە كوممەنتاري تۇسكەن جوق.

ءوز كەزەگىندە ءوزىن-ءوزى جاريالاعان تاۋلى قاراباق اسكەريلەرى قارسىلاس تاراپتار اراسىن ءبولىپ تۇرعان سىزىق بويىندا جاعداي بىرقالىپتى دەپ مالىمدەگەن. "قارسىلاس تاراپ نەگىزىنەن ارتيللەريالىق قارۋدان اتقىلاپ، وق اتپاۋ كەلىسىمىن بۇزدى", – دەگەن تاۋلى قاراباق اسكەريلەرىنىڭ ءسوزىن كەلتىرگەن "سپۋتنيك-ارمەنيا" سايتى.

اباي-اقپارات