2016 جىلدىڭ 23-24 ماۋسىمى ارالىعىندا پاۆلودار قالاسىنداعى ەستاي اتىنداعى مادەنيەت سارايىندا ء«بىلىم بەرۋدەگى يننوۆاتسيالار مەن تاجىريبە - ۋاقىت تالابى» اتتى ءىى رەسپۋبليكالىق پەداگوگيكالىق وقۋلار بولىپ ءوتتى. ءىى رەسپۋبليكالىق پەداگوگيكالىق وقۋلار اسا كورنەكتى پەداگوگ، عالىم، اعارتۋشى جانە اقىن ى. ءالتىنساريننىڭ 175 جىلدىق مەرەيتويىنا ارنالدى. 

پەداگوگيكالىق وقۋلاردىڭ نەگىزگى ماقساتى – ءبىلىم بەرۋ سالاسى قىزمەتكەرلەرىنىڭ پەداگوگيكالىق شەبەرلىگىن ارتتىرۋ، ۇزدىك يننوۆاتسيالىق پەداگوگيكالىق تاجىريبەلەردى جيناقتاپ، كەڭىنەن تاراتۋ.

سالتاناتتى شارانىڭ اشىلۋىندا ءسوز العان قر ءبىلىم جانە عىلىم مينيسترلىگىنىڭ جاۋاپتى حاتشىسى، «ورلەۋ» ۇلتتىق بىلىكتىلىكتى ارتتىرۋ ورتالىعى اق ديرەكتورلار كەڭەسىنىڭ توراعاسى ءامىرحان راحىمجانوۆ پەداگوگيكالىق وقۋلارعا قاتىسۋشىلارعا ساتتىلىك تىلەدى. 

پەداگوگيكالىق وقۋلارعا ەلىمىزدىڭ 17 ايماعىنان ءوز ءوڭىرىنىڭ نامىسىن قورعاۋعا الدىن الا ىرىكتەۋدەن وتكەن 170-كە تارتا ۇستاز قاتىستى. پەداگوگيكالىق وقۋلاردىڭ باسىم باعىتتارى: مەكتەپكە دەيىنگى تاربيە جانە وقىتۋ، باستاۋىش ءبىلىم بەرۋ، ورتا ءبىلىم بەرۋ، قوسىمشا ءبىلىم بەرۋ، تەحنيكالىق جانە كاسىبي ءبىلىم بەرۋ، جوعارى ءبىلىم (پەداگوگيكالىق ماماندىقتار), بىلىمدەگى مەنەدجمەنت.

ەكى كۇنگە سوزىلعان سايىستا ءار كوماندا سەگىز باعىت بويىنشا ءوز جۇمىستارىن تانىستىرىپ، شەبەرلىكتەرىمەن سىنعا ءتۇستى. ء«بىلىم بەرۋدەگى يننوۆاتسيالار مەن تاجىريبە - ۋاقىت تالابى» اتتى ءىى رەسپۋبليكالىق پەداگوگيكالىق وقۋلاردا ادىلقازى مۇشەلەرىنىڭ شەشىمى بويىنشا الماتى وبلىسى، قاراساي اۋدانى، التىن اۋىل ورتا مەكتەبىنىڭ مۇعالىمى ەلىكباەۆا ايگۇل مامىربەكقىزى جۇلدەلى ءى ورىندى يەلەندى.

ءبىلىمى مەن بىلىكتىلىگىن رەسپۋبليكالىق دەڭگەيدە دالەلدەپ، ءوزىنىڭ شىعارماشىل ۇستاز ەكەندىگىن تانىتقان ايگۇل مامىربەكقىزىن جەڭىستى جەتىستىگىمەن قۇتتىقتايمىز. 

نۇراقباەۆا ايگۇل زۇلپىقارقىزى،

«ورلەۋ» باۇو» اق فيليالى «الماتى وبلىسى بويىنشا پەداگوگ   قىزمەتكەرلەردىڭ بىلىكتىلىگىن ارتتىرۋ ينستيتۋتى»، قوعاممەن بايلانىس جانە باسپا قىزمەتى ءبولىمىنىڭ باس مامانى

Abai.kz