دۇكەندە كەزەكتە تۇرمىن. الدىمداعى ورىس ۇلتىنىڭ وكىلى ساتۋشىعا قازاقشا ءتىل قاتقاندا ەلەڭ ەتە قالدىم. 

-  قىزىم! ماعان ەكى كەلى كۇرىش، ءبىر قوراپ شىرپى بەرە عوي!

ساتۋشى "قاراكوز" قىزىمىز كوزىن باعجاڭ ەتكىزدى.

- نە پونيالا!

وزگە ۇلت وكىلى جىميىپ كۇلدى.

- توگدا 2 كيلوگراما ريسا ي پاچكۋ سپيچكي!

ول زاتتارىن الىپ، سىرتقا بەتتەگەندە قىزىعۋشىلىعىم ارتىپ، مەن دە سوڭىنان ەرگەنمىن. اڭگىمەلەستىك. ۇلتى ورىس. قىزىلوردا وبلىسىنىڭ تۋماسى ەكەن.

- قانداي ۇلت وكىلى بولماسىن، ادام ءوزىنىڭ تۇرعان جەرىنىڭ مەملەكەتتىك ءتىلىن ءبىلۋى كەرەك! - دەيدى ول، -جارايدى، مەن قازاقتاردىڭ اراسىندا ءوستىم. سوندىقتان قازاقشا بىلەمىن. بىراق، مەن قازاقشادان باسقا تۇرىك، كورەي، شەشەن تىلدەرىندە سويلەيمىن. تاعدىردىڭ تالەيىمەن وسى ەلدەردە ءبىراز بولعانىم بار. سول ەلدىڭ جەرگىلىكتى حالقىنا قۇرمەت رەتىندە ولاردىڭ انا ءتىلىن بارىمدى سالىپ ۇيرەنۋگە تىرىستىم...
بەيتانىس اسىعىس ەكەنىن ايتىپ، ماشينەسىنە بەتتەدى. 

- اعا، اتى-ءجونىڭىزدى ايتىپ كەتسەڭىز؟

- ۆلاديمير گريگورەۆ!

-سۋرەتكە ءتۇسىپ كەتسەڭىز...

- سەن دە بولمادىڭ عوي، "قىزتالاق"! 

كۇلىپ جىبەردىم. ناتيجەسى مىنا سۋرەت! ال، انا ءتىلى تۋرالى اڭگىمە- "بىرەۋلەردىڭ" قۇلاعىنا "التىن سىرعا"!

ارمان سقابىلۇلى

Facebook-تەگى پاراقشاسىنان