دۇيسەنبى كۇنى مەكەمەنىڭ وكىلى ۆلاديمير ماركين قىلمىسكەرلەر 2014 جىلدىڭ قىركۇيەك ايىنان باستاپ، "15 ميلليون رۋبل سىياقى بەرەمىز دەگەن ۋادەدەن كەيىن" ساياساتكەردى ولتىرۋگە دايىندالعان دەدى. وسىلايشا تەرگەۋ كوميتەتى وپپوزيتسيالىق ساياساتكەردى ء"دىني جەككورۋشىلىكتەن ءولتىردى" دەگەن بولجامدى الىپ تاستاعان. ماركين قىلمىستىق ىسكە قاتىستى ۇستالعان بەس شەشەنستان ازاماتىن تەرگەۋدى اياقتادىق دەپ مالىمدەدى. ال قىلمىسقا تاپسىرىس بەرۋشى مەن ۇيىمداستىرۋشىلارعا قاتىستى تەرگەۋ ءىسى ءالى جالعاسىپ جاتىر دەيدى.

بوريس نەمتسوۆ 2015 جىلدىڭ 27 اقپانىندا كەشكىسىن قىزىل الاڭ ماڭىندا جەندەتتەردىڭ قولىنان قازا تاپتى. بۇل ىسكە قاتىستى شەشەنستان ازاماتتارى زاۋر داداەۆ، شاديد جانە انزور گۋباشەۆتار، تەمەرلان ەسكەرحانوۆ پەن حامزات باحاەۆتار ۇستالعان. بىلتىر قاراشا ايىندا سوت ولتىرۋگە تاپسىرىس بەردى دەپ شەشەنستان ءىىم "سەۆەر" باتالونىنىڭ بۇرىنعى وفيتسەرى رۋسلان مۋحۋدينوۆتى ۇستاۋ جونىندە شەشىم شىعارعان. نەمتسوۆ وتباسىنىڭ قورعاۋشىلارى ونىڭ ولىمىنە تاعى ءبىر شەشەن باتالونىنىڭ وفيتسەرى رۋسلان گەرەمەەۆتىڭ دە قاتىسى بار دەيدى. تەرگەۋشىلەر ولارعا بىرنەشە رەت سىرتتاي ايىپ تاپپاق بولدى، الايدا تەرگەۋ كوميتەتىنىڭ باسشىسى الەكساندر باسترىكين ونى ۇستاۋعا ءتيىستى قاۋلى شىعارۋدان باس تارتقان.

اباي-اقپارات