اقتوبەلىك كاسىپكەر ايەلدەر مەكتەپ فورماسىمەن قوسا وقۋشىلارعا ارنالعان  سومكەلەردى دە شىعارۋدى جوسپارلاپ وتىر.

«ەركە سىلقىم» ءسان ۇيىندە مەكتەپ فورماسى ورتالىعىنىڭ تۇساۋكەسەرى ءوتتى. كورمەدە قالانىڭ 7 ءىرى اتەلەسى ءوز ونىمدەرىن كورسەتتى.

بارشاعا ءمالىم، قر ءبىلىم جانە عىلىم مينيسترلىگى ءوزىنىڭ بۇيرىعىمەن ورتا ءبىلىم بەرەتىن ۇيىمدارعا ارنالعان مىندەتتى مەكتەپ فورماسىنا قويىلاتىن تالاپتاردى بەكىتتى. قۇجاتقا سايكەس، ءاربىر وقۋ ورنىنىڭ پەداگوگتار مەن اتا-انالار كوميتەتى بەكىتكەن بىرىڭعاي فورماسى بولۋى ءتيىس.

جىل سايىن، 123 مىڭ وقۋشىنى كيىندىرۋ ءۇشىن اقتوبەلىكتەر 2 ملرد. تەڭگەگە جۋىق قاراجات جۇمسايتىنىن ايتا كەتكەن ءجون، بۇل رەتتە مەكتەپ فورماسىنىڭ 93%-ى جاقىن شەتەلدەن اكەلىنەدى جانە تەك 7%-ى وسى وڭىردە شىعارىلادى.

وسى جۇمىسقا كىرىسۋگە 7 اتەلە دايىن وتىر، كاسىپكەرلەر رەسەيدەن ماتا الۋعا تاپسىرىس بەرىپ تە قويدى. ارنايى اتا-انالار كوميتەتتەرىنىڭ جانە وبلىس مەكتەپتەرى ديرەكتورلارىنىڭ وكىلدەرى ءۇشىن مەكتەپ فورماسىنىڭ ۇلگىلەرىنەن كورمە ۇيىمداستىرىلدى.

«مەكتەپ سومكەلەرىن، سپورتتىق فورمالار تىگۋ جايىن دا ويلاستىرۋ قاجەت. ءبىز وزگە ەلدەردەن كەم ەمەسپىز. قازاقستاندا جەڭىل ونەركاسىپتى دامىتۋ ءۇشىن بارلىق جاعدايلار بار»، - دەپ اتاپ ءوتتى قالالىق ءماسليحاتتىڭ حاتشىسى سۇلۋپان شىنتاسوۆا.

كورمە بارىسىندا اقتوبەلىك اتەلەلەر  باسشىلارى وزدەرىنىڭ  بۇكىل پروبلەمالارىن دا جەتكىزىپ ايتتى، ونىڭ ىشىندە – فورما  تىگۋشىلەر ءۇشىن سالىقتىق جەڭىلدىكتەردىڭ، پرەفەرەنتسيالاردىڭ قاجەتتىلىگى.

«قازاقستاندا ماتا وندىرىلمەيدى. ءبىز وزگە ەلدەردەن، مىسالى بىشكەكتەن الىپ كەلۋدى قالايمىز، بىراق مەكتەپ فورماسىنىڭ ەڭ سوڭعى قۇنى اتا-انالاردىڭ قالتاسىنا لايىق بولۋى ءۇشىن شىعىنداردى قالاي قىسقارتامىز؟» - دەيدى «كەلەشەك» اتەلەسىنىڭ  ديرەكتورى بانۋ مىرزاعۇلوۆا.

وسى جانە باسقا دا سۇراقتارعا بيلىك، شاعىن جانە ورتا بيزنەس وكىلدەرى تاياۋ كۇندەرى كاسىپكەرلەر پالاتاسىندا وتەتىن دوڭگەلەك ۇستەل بارىسىندا جاۋاپ بەرەتىن بولادى.  

Abai.kz