Frankfurter Allgemeine Zeitung نەمىس گازەتىنىڭ جازۋىنشا، تانىمال تاريحي ارتەفاكتاردى ساتاتىن Hermann Historica اۋكتسيون ءۇيى امەريكالىق دارىگەر، تاريحي زاتتاردى جينايتىن دجونا ك. لاتتيمەردىڭ (1914–2007) كوللەكتسيالارىن ساتۋعا قويعان. ولاردىڭ ىشىندە – ادولف گيتلەردىڭ بىرنەشە شالبارى، ناتسيست كوسەمىنە 1944 جىلدىڭ 20 شىلدەسىندە شابۋىل جاساعاننان كەيىنگى رەنتگەن تۇسىرىلىمدەرى بار; تاعى بىرنەشە زاتتار گيتلەردىڭ كوڭىلدەسى، كەيىننەن ايەلى بولعان ەۆا براۋنعا تيەسىلى بولعان ەكەن; گەرمان گەرينگ ساقتاعان ىشىندە ۋلى ءدارى بار مەتالل كاپسۋلا بار، ونى ول نيۋرنبەرگ تريبۋنالى ءولىم جازاسىنا كەسكەننەن كەيىن ىشكەن; سونىمەن بىرگە سس جەتەكشىلەرىنىڭ ءبىرى ەرنست كالتەنبرۋننەر اسىلىپ ولگەن ارقاننىڭ بولشەگى بار.

اۋكتسيون ناتيجەسى ءالى جاريالانبادى. بىراق ۇيىمداستىرۋشىلار ءبارى كەم دەگەندە 170 مىڭ ەۋروعا ساتىلۋى مۇمكىن دەپ بولجاعان. اۋكتسيون قارساڭىندا نەمىس اقپارات قۇرالدارىندا ناتسيست كوسەمىنىڭ جەكە زاتتارىن ساتۋ قانشالىقتى ەتيكاعا سايكەس كەلەدى، ساتىپ الۋشىلار اراسىندا نەوناتسيستەر تابىلىپ، بۇل ولاردىڭ تابىناتىن زاتتارىنا اينالىپ كەتپەيدى مە دەگەن تالقىلاۋ بولعان.

دجون لاتتيمەر امەريكالىق دارىگەر، ۋرولوگيا سالاسى بويىنشا ارنايى مامان. ەكىنشى دۇنيجۇزىلىك سوعىستا نورمانديادا (1944) اسكەري دارىگەر بولعان. ول ءومىر بويىندا تاريحي زاتتاردى جيناۋمەن اينالىسقان. ول سونىمەن بىرگە ءار داۋىردەگى قارۋلاردى جيناۋشى رەتىندە تانىمال.

اباي-اقپارات