قر پرەزيدەنتى نۇرسۇلتان ءابىشۇلى سانكت-پەتەربور بارىپ  ەاەو اياسىندا وتكەن حالىقارالىق ەكونوميكالىق فورۋمعا قاتىسىپ قايتتى.

اتالعان فورۋمنىڭ مىنبەرىن بايانداماشىلار بوساتقان سوڭ، مەملەكەت باسشىلارى ەركىن پىكىر الماستى. دالىرەك ايتساق، پرەزيدەنتتەردىڭ CNN ءتىلشىسى، حالىقارالىق ساياسي-شولۋشى فاريد زاكارمەن سۇحباتى فورماتىندا وتكەن ەكىنشى بولىمدە سەنساتسيالىق دەرەكتەر ايتىلدى.

قازاقستان، رەسەي جانە يتاليا پرەزيدەنتتەرى باس قوسقان جيىندا نۇسرۇلتان ءابىشۇلىنان امەريكاندىق ءتىلشى، «قازاقستاندى ايەل ادام باسقارۋى مۇمكىن بە؟»،- دەپ سۇرادى.

فاريد زاكار: - ءسىز قالاي ويلايسىز، اقش-تى ايەل ادام باسقارۋعا دايىن با؟ مەنىڭ بىلۋىمشە، ءسىز قازاقستاننىڭ پرەمەر-ءمينيسترىنىڭ ورىنباسارى ەتىپ ايەل ادامدى تاعايىنداپسىز. ءسىز قالاي ويلايسىز، قازاقستاندا ايەل ادام پرەزيدەنت بولۋى مۇمكىن بە؟

نۇرسۇلتان نازارباەۆ: - ال ءسىز نەگە قازاقستاندا ايەل ادام پرەزيدەنت بولۋى مۇمكىن ەمەس دەپ ويلايسىز؟! ابدەن مۇمكىن. قازىردىڭ وزىندە قازاقستاننىڭ 51 پايىز حالقىن ايەلدەر قۇرايدى. گەندەرلىك ساياسات دامىپ كەلەدى. پارلامەنتتىڭ 30 پايىز دەپۋتاتى – ايەلدەر. سونداي-اق، ۇكىمەتتە دە بىرنەشە ايەل مينيسترلەرىمىز بار. سوندىقتان، ابدەن مۇمكىن. ونىڭ ۇستىنە ىسىلىپ-جەتىلگەن ايەلدەر بار...

ۆلاديمير پۋتين: - ءيا، مەن ولاردى جاقسى بىلەمىن (كۇلدى)...

نۇرسۇلتان نازارباەۆ: - وعان قوسا، مەنىڭ ءۇش بىردەي قىزىم بار، سوندىقتان مەن ايەلدەرگە ەرەكشە ىقىلاسپەن قارايمىن...

ەسكە سالا كەتەيىك، وسىنىڭ الدىندا ءبىز قر پرەمەر-ءمينيسترىنىڭ ورىنباسارى داريعا نازارباەۆانىڭ باق بەتىنەن كورىنبەي كەتۋىنە وراي، «داريعا نازارباەۆا قايدا ءجۇر؟» اتتى ماقالا جاريالاعان ەدىك. اقورداداعى اۋىس-تۇيىستەرگە بايلانىستى داريعا نۇرسۇلتانقىزىنىڭ قىزمەتى اۋىسۋى مۇمكىن ەكەندىگى تۋرالى باق-تا ايتىلدى. ءتىپتى، قازاقستاندىق ساياساتكەرلەر داريعا نۇرسۇلتانقىزىنىڭ قازىرگى قىزمەتىنەن دە جوعارى لاۋازىمعا تاعايىندالۋى مۇمكىندىگىن دە تالقىلاعان-تىن.

ال كەشە سانكت-پەتەربورداعى مىنبەردە ءسوز سويلەگەن قازاقستان پرەزيدەنتى امەريكاندىق ءجۋرناليستىڭ ساۋالىنا جاۋاپ بەرىپ، ايەل باسشىنىڭ بولۋىندا ەش سوكەتتىلىك جوق ەكەنىن ايتتى.

ساۋلە مەشىتباەۆا، قوعام قايراتكەرى:

-پرەزيدەنتتىڭ ءسوزىن بۇل جەردە بۇرمالاۋدىڭ كەرەگى جوق دەپ ويلايمىن.  امەريكاندىق جۋرناليست بۇل سۇراقتى ادەيى قويدى.  ال ەلباسى ەلىمىزدە  دەموكراتيانىڭ بار ەكەندىگىن وسىلايشا كورسەتتى.  گندەرلىك ساياساتتىڭ بارىن ايتتى. بىراق ونى əركىم ءوز دەڭگەيىندە قابىلداپ، ءتۇرلى اۋاندا تاراتتى. ارينە، جۇرت دەرەۋ قىزىن ايتىپ جاتىر دەپ قابىلدادى. بىراق ەلباسى  ول سۇراققا دا جاۋاپ بەردى. شىندىعىنا كەلگەندە قازىر ەلىمىزدى əيەل باسقارۋعا دايىن ەمەس. ەلدى مەملەكەتتىك ءنومىرى ءبىرىنشى لاۋازىم دەڭگەيىندە باسقاراتىن əيەل دە جوق دەپ ويلايمىن.  وسىنداي فورۋمداردا əرينە، گەندەرلىك ساياسات تۋرالى  يتقانى ءجون. مەن سولاي ەسەپتەيمىن.

نۇرزات توعجان

Abai.kz