1 ماۋسىم ەلىمىزدىڭ ەڭ ءىرى اپورت موللى بالالاردى قورعاۋ كۇنىنە ارنالعان مەرەكەلىك قايىرىمدىق شاراسىن وتكىزدى. تۇرمىسى تومەن وتباسىنان شىققان 10 بالاعا اپورت موللى سپورتتىق كيىمدەر مەن اياق كيىم، Hawaii اكۆاباعىنا بيلەت، KFC مەن Mr ءBurgerدىڭ تاعامدارىن، رامستور گيپەرماركەتىنىڭ 3000 تەڭگەلىك سەرتيفيكاتى مەن Funkytown ويىن ساۋىق ورتالىعىنا 5000 تەڭگەلىك كارتاسىن سىيلادى. اپورت موللى مۇگەدەك بالالارعا،   جاعدايى تومەن وتباسىلارىنا، ارداگەرلەرگە، بالالار ۇيىنە كومەكتەسىپ، قاجەتتىسىن الىپ بەرۋدى مىندەت سانايدى.

«اپورت» موللىنىڭ پيار مەنەدجەرى الما زيكەننىڭ ايتۋىنشا، مۇمكىندىك باردا  كومەكتەسۋ قاجەت.         «قولىمىزدان كەلگەنشە مۇمكىندىگى شەكتەۋلى ادامدارعا، انا مەيىرىمىن كورمەي وسكەن بالالارعا  قول ۇشىن سوزىپ، قارجىلاي نەمەسە تاعام، كيىم، اياق كيىممەن كومەكتەسەمىز. ءبىزدىڭ قايىرىمدىلىق شارالارىمىزعا تۇراقتى تۇردە قاتىسىپ، كومەكتەسەتىن  قازاقستاننىڭ اتاقتى سانگەرلەرى تامارا لامانۋكاەۆا، ءلاريا جاقامباەۆا، اينۇر تۇرىسبەك، كاميلا كۋرباني، «اقساي نان»، «التىن ديىرمەن» نان زاۋىتتارىنا العىسىمىز شەكسىز»،- دەيدى الما زيكەن.

سونداي-اق، 2 ماۋسىمدا «اپورت» موللى «جاسوسپىرىمدەردى ۋاقىتشا ۇستاۋ ورنى» كوممۋنالدىق مەملەكەتتىك مەكەمەسىنىڭ 18 تاربيەلەنۋشىسىنە  قايىرىمدىلىق كومەگىن كورسەتتى. بالالارعا  «Starcinema»  كينوتەاترىنا، «Hawaii» اكۆاباعىنا، «Next»، «Funkytown»  ويىن - ساۋىق ورتالىعىنا تەگىن بيلەتتەر، كيىم، اياق كيىم، ويىنشىقتار سىيلادى. «Scoopers» كومپانياسى بالالارعا قىزىقتى ازوتتى شوۋ كورسەتىپ ءتاتتى بالمۇزداق تاراتتى.

اباي-اقپارات