وقو-دا جەر رەفورماسى قوعامدىق كەڭەستە تالقىلاندى، - دەپ حابارلايدى وقو اكىمىنىڭ ءباسپاسوز قىزمەتى.

 «نۇر وتان» پارتياسىنىڭ جەرگىلىكتى فيليالىندا وبلىستىق قوعامدىق كەڭەستىڭ وتىرىسى ءوتىپ، وندا اۋىل شارۋاشىلىعى ماقساتىندا بەرىلگەن جەرلەردى ءتيىمدى پايدالانۋ ماسەلەسى مەن مەملەكەت مەنشىگىندەگى اۋىل شارۋاشىلىعى جەرلەرىن قر ازاماتتارىنا اۋكتسيونداردا ساتۋ ارقىلى جەكە مەنشىككە بەرۋ جايى قارالدى.

ماجىلىسكە قاتىسقان قوعامدىق ۇيىمدار مەن شارۋا قوجالىقتارى باسشىلارى، جەكە ازاماتتار جەر رەفورماسى بويىنشا وي-پىكىرلەرىن جەتكىزىپ، ءوز ۇسىنىستارىن ايتتى.

ءوز كەزەگىندە ءسوز العان ءوڭىر باسشىسى ب.اتامقۇلوۆ وبلىستاعى جايىلىم جەرلەرىنىڭ ەلدى-مەكەن تۇرعىندارىنىڭ ورتاق پايدالانۋدا بولۋىنىڭ ماڭىزدىلىعىن اتاپ ءوتتى. سونداي-اق جيىندا əسىرەسە ماقتارال اۋدانىنداعى جايىلىم جەرلەرى تاپشى ەلدى مەكەندەردە زەردەلەۋ جۇمىستارىن جۇرگىزىپ، ونى زاڭ اياسىندا شەشۋ مۇمكىندىكتەرىن قاراستىرۋ مəسەلەسى تالقىلاندى.

سونداي-اق، بۇرىن سۋارمالى جەر دەپ بەلگىلەنگەن، الايدا ءتۇرلى سەبەپتەرمەن قازىرگى ۋاقىتتا سۋارمالى جەرلەرگە ەنبەيتىندەردىڭ پايدالانۋ نىسانىن اۋىستىرۋ جانە جەردى ءتيىمدى پايدالانۋدا ۇساق شارۋالاردى ۇلەس پايىزىمەن ىرىلەندىرۋ جايى دا كەڭەس اياسىنان تىس قالمادى.