قازاقستان سپورتشىلارىن ريو-دە-جانەيرودا وتكەن وليمپيادا ويىندارىنا دايىنداۋ جانە قاتىستىرۋ ءۇشىن 3,4 ملرد تەڭگە جۇمساعان. بۇل مالىمەتتى قر مادەنيەت جانە سپورت مينيسترلىگى قازاقپارات ءتىلشىسىنىڭ ساۋالىنا بەرگەن جاۋابىندا كورسەتتى،-دەپ حابارلايدى قازاقپارات اگەنتتىگى.

«قازاقستان رەسپۋبليكاسىنىڭ ۇلتتىق قۇراماسى جانە قۇراما كوماندالارىنىڭ مۇشەلەرىن رەسمي جولداما جانە كوپ ساتىلى الەم كۋبوكتەرىنە دايىنداۋ، قاتىستىرۋعا 2016 جىلعى بيۋدجەتتەن 3,4 ملرد تەڭگە قاراستىرىلعان»، - دەلىنگەن حابارلامادا.

ءباسپاسوز قىزمەتىنىڭ ناقتىلاي كەتۋىنشە، 2016 جىلى ۇلتتىق قۇراما كوماندالاردىڭ سپورتشىلارى ءتۇرلى سپورتتان ريو-دە-جانەيروداعى وليمپيادا ويىندارىنا قاتىسۋ ءۇشىن 70-تەن استام قۇرلىق، دۇنيەجۇزىلىك جولداما جارىستارىنا قاتىستى، سونداي-اق ولار ريو-دە-جانەيروداعى وليمپيادا ويىندارىنا قاتىسۋعا مۇمكىندىك بەرەتىن قالعان كۆوتالاردى جەڭۋ ءۇشىن الەم كۋبوگىنىڭ 52 كەزەڭىنە قاتىستى.

2016 جىلعى وليمپياداعا قازاقستان قۇراماسىندا 25 سپورت تۇرىنەن 105 سپورتشى باردى. قازاقستان ريو-دە-جانەيرودا وتكەن وليمپيادانىڭ جالپىكوماندالىق ەسەبىندە 22-ورىن يەلەندى.

17 جۇلدە - بۇل ەل سپورتشىلارىنىڭ قىسقى جانە جازعى وليمپيادا ويىندارىنداعى ۇزدىك ناتيجەسى. بۇعان دەيىن 2008-2012 جىلعى وليمپيادالار كەزىندە سپورتشىلار 13 مەدالدى ەل قورجىنا سالعان بولاتى.

Abai.kz