كەشە رەسەي وككۋپاتسيالاپ وتىرعان  قىرىمدا قارۋلى قاقتىعىس بولدى. دەرەك كوزدەرىنە سۇيەنسەك، جەرگىلىكتى تۇرعىندار قىرىم اكىمشىلىگىن كۇشپەن باسىپ الۋعا ارەكەتتەنگەن. بۇل تۋرالى رەسەيلىك تاسس اگەنتتىگى حابارلايدى.

رەسەيدىڭ فەدەرالدىق قاۋىپسىزدىك قىزمەتى تەراكتىنى ۋكراينا قارۋلى كۇشتەرى ۇيىمداستىرعان دەپ مالىمدەگەن. ارنايى جۇرگىزىلگەن اسكەري وپەراتسيا كەزىندە جەتى ادام تۇتقىندالعان. فقق-نىڭ ەكى وكىلى اتىس كەزىندە قازا تاپقان.

فەدارالدى قاۋىپسىزدىك قىزمەتى: «ولار قىرىم اكىمشىلىگىنە شابۋىل جاساپ، بيلىكتى كۇشپەن باسىپ الماق بولدى. سونىمەن قاتار، شابۋىل جاساۋشىلاردى ۇيىمداستىرعان جەرگىلىكتى تۇرعان بولعان»،-دەپ مالىمدەيدى.

ال  ۋكراينا قورعانىس مينيسترلىگى رەسەيلىكتەردىڭ ءسوزىن تەرىستەپ وتىر. ء«بىز ادەتتە ءوز ارىپتەستەرىمىز تۋرالى اقپاراتتاردى جاريا ەتپەيمىز. بىراق، ءدال قازىر رەسەيدىڭ قاۋىپسىزدىك قىزمەتكەرلەرى بىردە-ءبىر ۋكراينا ارنايى باقىلاۋ ۇيىمىنىڭ نەمەسە قارۋلى كۇشتەرىنىڭ وكىلىن تۇتقىنداعان جوق. بۇل جەرگىلىكتى حالىقتىڭ قىرىم وككۋپاتسياسىنا نارازىلىق تانىتۋى»،-دەپ جازىلعان رەسمي مالىمدەمەدە.

قىرىمداعى قارۋلى قاقتىعىستى رەسەي پرەزيدەنتى «ديۆەرسيا» دەپ باعالاپ، ۋكراينامەن شەكارالاس ايماقتاردا باقىلاۋدى كۇشەيتكەن.

رەسەي پرەزيدەنتى ۆلاديمير پۋتين ۋكراينا ۇكىمەتىن بەيبىتشىلىككە «تەررور»    ارقىلى جەتكىسى كەلەدى دەپ ايىپتاپ، ماسكەۋ قىرىمنىڭ قاۋىپسىزدىگىن قامتاماسىز ەتۋ ءۇشىن   «سالماقتى شارالار» قابىلدايتىنىن ەسكەرتتى.  

ۋكراينا پرەزيدەنتى پەتر پوروشەنكو بۇل ايىپتاۋلاردى «قيال» جانە جاڭا اسكەري دوڭايبات كورسەتۋگە ىلىك ىزدەۋ دەپ اتادى. ۋكراينا قورعانىس مينيسترلىگى فسب-نىڭ مالىمدەمەسى "باسقىنشىلىقتى اقتاۋ" جانە قىرىمعا قايتارا اسكەر كىرگىزۋ ارەكەتى سياقتى كورىنەتىنىن مالىمدەدى.

ەستەرىڭىزدە بولسا، 2014 جىلى رەسەي پرەزيدەنتى حالىقارالىق كەلىسىمدەردى ەسكەرمەستەن، قىرىمدى زاڭسىز وككۋپاتسيالاعان بولاتىن. وسىدان كەيىن قىرىمدا نارازىلىق شارالارى كۇشەيىپ، جەرگىلىكتى حالىق قىرىمنىڭ رەسەي قۇرامىنا كۇشپەن قوسىلعانىن ايتقان. ءتىپتى رف وككۋپاتسيالاعان قىرىمنىڭ بايىرعى تۇرعىندارى - جەرگىلىكتى قىرىم تاتارلارىنىڭ قۇقىقتارى شەكتەلىپ، تاتارلار كوسەمى مۇستافا جەميلوۆتى رف ەلدەن دەپورتاتسيالاعان بولاتىن.

نۇرزات توعجان

Abai.kz