بۇگىن قالا اكىمدىگىنىڭ ۇلكەن ءماجىلىس زالىندا قالا اكىمى سەيىت مىرزاقۇلۇلىنىڭ توراعالىعىمەن قالا اكىمدىگىنىڭ كەزەكتى ءماجىلىسى ءوتتى. بۇل تۋرالى «Abai.kz» پورتالى وڭتۇستىك قازاقستان وبلىسىنا قاراستى ارىس قالاسى اكىمىنىڭ رەسمي سايتىنا سىلتەمە جاساي وتىرىپ حابارلايدى.
اكىمدىڭ سايتىنىڭ حابارلاۋىنشا، ماجىلىسكە اكىم ورىنباسارلارى مەن التى اۋىلدىق وكرۋگ اكىمدەرى، دەربەس ءبولىم باسشىلارى مەن مەكەمە باسشىلارى قاتىسىپ، ارىس قالاسىنىڭ 2016 جىلعى قاڭتار، ماۋسىمداعى الەۋمەتتىك، ەكونوميكالىق دامۋىنىڭ قورىتىندىسى جانە قالا بيۋدجەتىنىڭ يگەرىلۋى تالقىلاندى. 
سونداي-اق، كۇن تارتىبىندەگى ماسەلە بويىنشا ەكونوميكا جانە قارجى ءبولىمىنىڭ باسشىسى ن.مۇستاپاەۆ، كاسىپكەرلىك ءبولىمىنىڭ باسشىسى ن.ادامبەكوۆ، اۋىلشارۋشىلىق جانە جەر قاتىناستارى ءبولىمىنىڭ باسشىسى ە.ايتپەنبەتوۆ، ءبىلىم ءبولىمى باسشىسىنىڭ مىندەتىن اتقارۋشى ءا.مۇساەۆ بايانداما جاسادى.
قالا اكىمى سەيىت مىرزاقۇلۇلى اعىمداعى اتقارىلىپ وتىرعان جۇمىستار مەن ءتۇيىنى شەشىلمەگەن ماسەلەلەرگە، وبلىس جانە قالا اكىمدەرىنىڭ حاتتامالىق تاپسىرمالارىنىڭ ورىندالۋ بارىسىنا توقتالىپ ءوتتى.
ايتا كەتەيىك، ءماجىلىستى قورىتىندىلاي كەلە، قالا اكىمى س.ەرتاي ورىنباسارلارىنا، اۋىلدىق وكرۋگ اكىمدەرى مەن دەربەس ءبولىم باسشىلارىنا جوعارىدا قويىلعان ماسەلەلەر بويىنشا تاپسىرمالار بەردى.

دەرەككوزى: ارىس قالاسى اكىمىنىڭ ءباسپاسوز قىزمەتى

Abai.kz