وسىنىڭ الدىندا شون دەيلي 2015 جىلدىڭ ءساۋىر ايىندا سوتقا ارىز تۇسىرگەنى ايتىلعان. ول كىشى باكيەۆتى ءوزىن ولتىرۋگە تاپسىرىس بەرگەن دەپ ايىپتايدى. ءىستى تەرگەۋ بارىسىندا ماكسيم باكيەۆتىڭ كاسىپكەرگە قاستاندىق جاساعانى تۋرالى دايەك انىقتالماعان.

ەسكە سالا كەتەيىك، 2006 جىلى بىشكەكتە «وكسۋس» بريتانيالىق كومپانيا وكىلى شون دەيليگە قاستاندىق جاسالدى. دارىگەرلەردىڭ كومەگىمەن ول امان قالدى. كەيىن ول قىرعىزستاننان كەتتى.

بىشكەكتىڭ ءبىرىنشى ماي سوتىنىڭ شەشىمىمەن ماكسيم باكيەۆ پەن جانىش باكيەۆ دەيليدىڭ ومىرىنە قاستاندىق جاساعانى ءۇشىن سىرتتاي ءومىر بويى تۇرمە جازاسىنا كەسىلدى.

تەرگەۋ ءىسى مالىمەتىنشە، «وكسۋس» كومپانياسى 2005 جىلى تالاستاعى جەرۇي كەنىشىن وندىرۋگە رۇقسات العان. بىراق 2006 جىلى ماكسيم باكيەۆ جەكە مۇددەسى ءۇشىن ليتسەنزيانى باسقا كومپانياعا بەرۋگە ارەكەتتەنگەن.