سارىاعاش اۋدانىنىڭ وشاقتى اۋىلدىق وكرۋگىندەگى ساڭىراۋ ەلدى مەكەنىنە تازا اۋىز سۋ بەرىلدى. بۇل تۋرالى «اباي اقپارات» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

2016 جىلدىڭ ماۋسىم ايىندا باستالعان اۋىز سۋ قۇرىلىسى جۇمىستارىن مەردىگەر مەكەمە ء«ۇش-ساي» جشس-ءى جۇرگىزدى. بۇگىندە 386 وتباسى تازا اۋىز سۋعا قول جەتكىزىپ، كاممۋنالدىق قاجەتتىلىك شەشىمىن تاپتى.

ەل قۋانىشىن بولىسە كەلگەن اۋدان اكىمى ق.ابدۋاليەۆ تاۋەلسىزدىك جىلدارىندا قول جەتكىزگەن جەتىستىكتەر جايىن بايانداپ، تىرشىلىك ءنارى كەلگەنى ءاربىر ۇيگە ۇلكەن مەرەكە ەكەنىن اتاپ ءوتتى.

جالپى اۋداندا 154 ەلدى مەكەن بولسا، ونىڭ 69 ەلدى مەكەنى اۋىز سۋمەن قامتىلعان. ال 2017 جىلعا 32 ەلدى مەكەنگە اۋىز سۋ تارتۋ ماقساتىندا جوبالىق سمەتالىق قۇجاتتارى دايىندالۋدا.

ايتا كەتەيىك، وڭتۇستىك قازاقستان وبلىسىنىڭ ينۆەستيتسيالىق تارتىمدىلىعىن كۋشەيتۋ ماقساتىندا، وڭىردە 11 يندۋستريالدى ايماق قۇرىلعان.

قازىرگى تاڭدا، وڭتۇستىك قازاقستان وبلىسى بويىنشا يندۋستريالدى ايماقتاردا قۇنى 201,3 ملرد. تەڭگە قۇرايتىن 166 جوبا ىسكە اسىرىلۋدا.

سونىمەن قاتار، وقو-دا اۋىلشارۋاشىلىعى ماقساتىنا دا ايتارلىقتاي كوڭىل بولىنگەن. اگرارلى ايماق سانالاتىن وڭتۇستىك قازاقستان وبلىسى رەسپۋبليكاداعى اۋىلشارۋاشىلىعى سەكتورىنىڭ باسىم بولىگىن قامتيدى. مەملەكەت جانە جەرگىلىكتى باسقارۋ ورگاندارى تاراپىنان شارۋالارعا قولداۋ ماقساتىندا ءتۇرلى باعدارلامالار قابىلدانعان.

Abai.kz