حالىقارالىق وليمپيادا كوميتەتى  قازاقستاندىق اۋىر اتلەت اننا نۇرمۇحامبەتوۆاعا لوندوندا وتكەن  2012 جىلعى وليمپيادا ويىندارىنىڭ قولا جۇلدەگەرى بۇيىرعانىن حابارلاپ وتىر.

2012 جىلعى وليمپيادادا نۇرمۇحامبەتوۆا 69 كەلى سالماق دارەجەسىنە دەيىن ونەر كورسەتىپ، 5-ورىنعا يە بولعان ەدى. حوك 3-ءشى جانە 4-ءشى ورىن العان بەلورۋسسيالىق زىلتەمىرشىلەر مارينا شكەرمانكوۆا مەن دينا سازونوۆەتستى دوپينگ سىنامانىڭ وڭ ناتيجەسىنە بايلانىستى شەتتەتتى. وسىلايشا قولا مەدال قازاقستاندىق سپورتشىعا بۇيىردى.

«وسىعان دەيىن قارسىلاستارىنىڭ دوپينگ پايدالانعانى ءۇشىن قازاقستاندىق جەڭىل اتلەت ولگا رىپاكوۆا 2008 جىلعى وليمپيادانىڭ قولا مەدالىنە يە بولدى» دەپ جازادى egemen.kz سايتى.

ءسويتىپ اننا نۇرمۇحامبەتوۆا اراعا ءتورت جىل سالىپ وليمپيادا جۇلدەگەرى اتانىپ جاتىر. ارينە، بۇل قۋانىشتى حابار. قازاقستاندىق اۋىر اتلەتتەردىڭ قانىنان تابىلعان دوپينگ سىناماسى دا بازبىرەۋلەرگە كۇتپەگەن جەردەن قۋانىش سىيلاپ جاتقان بولار...

اباي-اقپارات