وزبەكستان تاياۋ شىعىس پەن افريكاداعى توعىز ەلمەن جەڭىل اۆتوموبيل ەكسپورتىنا كەلىستى. بۇل تۋرالى وزبەكستان ەكونوميكا مينيسترلىگى مەن مەملەكەتتىك ستاتيستيكا جونىندەگى اگەنتتىك ەسەبىندە كورسەتىلگەن، دەپ حابارلادى سا-News.

قۇجاتقا سايكەس، جىل باسىنان بەرى 835 جاڭا كاسىپورىن تاۋاردى سىرتقا شىعارۋ ىسىنە تارتىلدى، تاۋاردىڭ 246 جاڭا ءتۇرى سىرتقا شىعارىلا باستادى، 52 جاڭا نارىق قامتىلدى.

اتاپ ايتقاندا، جەڭىل اۆتوكولىكتەر بىرىككەن اراب امىرلىگىنە، ليۆانعا، يوردانياعا، يراكقا، گاناعا، سەنەگالعا، كوت د’يۆۋارعا، سومالي مەن نيگەرياعا جەتكىزىلدى.

بۇعان دەيىن حابارلانعانداي، ەلدىڭ ءاۆتووندىرىسى وار-عا تاۋار جەتكىزە باستادى. ال ۇلىبريتانياعا كۇش اگرەگاتتارى مەن قوزعالتقىش بۇيىمدارى شىعارىلدى، لاتۆياعا دوڭگەلەكتىڭ ديسكتەرى ساتىلا باستادى."ۋزاۆتوسانوات" ۇلتتىق كومپانياسى تمد ەلدەرىنىڭ نارىعىنداعى ساۋدا كولەمىن ۇلعايتۋ مەن جاڭا نارىقتاردى اشۋعا دەن قويدى.

2015 جىلدىڭ اياعىندا Ravon برەندىنىڭ جاڭا ءتۇرى تانىستىرىلدى، GM Uzbekistan وندىرگەن اۆتوكولىكتەر وسى برەندپەن سىرتقا شىعارىلىپ جاتىر.

Abai.kz