باقسىلىق - ەسكى ءدىننىڭ سارقىتى. بۇرىنعى كەزدەگى باقسى، كومەسكى بولجايتىن ساۋەگەيلىگىنە قاراپ، ءوز ءدىنىنىڭ پايعامبار اۋليەسى سياقتى بولعان. ول كەزدە جاقسى بولجام ايتسا، "اسپان سياتقتى جاسىرىن ەلشىلەر" ارقىلى جالعاسادى; ءتىل الادى دەگەن سەنىم بولعان. بەرى كەلگەندە دە ەل سول ەلشىنىڭ ءبارىن بەكەر دەي الماعان. بىراق بۇرىنعى نانىم بويىنشا، ول ەلشى قادىرلى، قاسيەتتى سيپاتقا يە بولسا، بەرى كەلىپ مۇسىلمانشىلىق جەڭگەن سوڭ قاراڭعىلىق، جاماندىق بەلگىسىن بىلدىرەتىن جيرەنىشتى زاتتار بولىپ، جىن دەپ اتالعان. بارلىق باقسىلىق جولىنا قايشى كەلەتىن، ادامشىلىققا قاس تابيعاتتان شىعاتىن سياقتى بولعان. سول سەبەپتى، باقسىنىڭ بارلىعىنىڭ ءتۇپ يەسى شايتان، پەرى سياقتىلار دەپ، بۇرىنعى دىننەن قالعان نانىمنىڭ بارلىعىن بەرگى مۇسىلمانشىلىق زامانىنداعى جامانشىلىق يەلەرىنە اپارىپ قوساقتاپ قويعان. 

***
بەرىرەك كەلگەن زاماندا كوپ باقسىلار: "جىننىڭ ىشىندە تازاسى بار، مۇسىلمان جىن، كاپىر جىندارى بار", - دەپ ەكىگە ايىرىپ كەلىپ، مۇسىلمان جىنعا سىيىنامىز دەپ، بارلىق پايعامبار، اۋليەلەر، ارۋاقتاردى شاقىرىپ، سارىن ايتاتىن بولعان. بۇل باقسىلىق نەگىزى السىرەپ قۇلاۋعا اينالعان سوڭ جاڭا زامان اعىمىنا بوي ۇسىنىپ، مۇسىلماندىققا اۋىل-ءۇي قونىپ، ءبىتىم جاساماق بولعانى. مۇنى باقسىلىقتىڭ جوعالار الدىنداعى ازعىنداعان كەزى دەپ ەسەپتەۋ كەرەك.