وڭتۇستىك قازاقستان وبلىسىندا اۋىل شارۋاشىلىعىنا قاتىستى سۋبسيديانى الۋ ءۇشىن كەڭسە كەزىپ ساندالمايسىز، - دەپ حابارلايدى اباي-اقپارات وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

ەندى، اۋىل شارۋاشىلىعى سالاسىن سۋبسيديالاۋ ءۇشىن كەڭسە كەزىپ ساندالمايسىز. تەك حالىققا قىزمەت كورسەتۋ ورتالىعىنا بارىپ، ءوتىنىم تولتىرساڭىز بولعانى. سالا ماماندارى تەك جەكە كۋالىگىڭىز ارقىلى قۇجاتتارىڭىزدى راسىمدەپ بەرەدى. بۇل تۋرالى مەملەكەتتىك قىزمەت كورسەتۋ مونيتورينگى ءبولىمىنىڭ باس مامانى مالىمدەدى.

مەملەكەتتىك كومەك الۋ ءۇشىن شارۋالار 30-عا جۋىق قۇجات ازىرلەيتىن. ونىڭ تەڭ جارتىسى وبلىستىق اۋىل شارۋاشىلىعى باسقارماسى ارقىلى بىتەدى. ال، قالعان تىرلىكتەر اۋداندارداعى بولىمشەلەردە تىندىرىلاتىن. ەندى جاڭا جۇيە بويىنشا وسى جۇمىستىڭ بارلىعىن حالىققا قىزمەت كورسەتۋ ورتالىقتارىندا جۇزەگە اسىرۋعا بولادى.

تاعى ءبىر ايتا كەتەرلىگى، اتالعان قىزمەت ءتۇرىنىڭ ءبىرازىن ەلەكتروندى جۇيە ارقىلى دا جۇزەگە اسىرۋعا بولادى. بۇگىنگى باسقوسۋدا ماماندار وسى ماسەلەنى دە ءتۇسىندىردى. ماماندار مالىمەتىنە سۇيەنسەك، بۇل جۇيە شارۋالاردى قۇجات باستىلىقتان قۇتقارادى جانە قۇجات ازىرلەۋدىڭ مەرزىمىن قىسقارتادى.

مۇمكىندىگى شەكتەۋلى كاسىپكەرلەردە ەسكەرۋسىز قالمايدى. جاڭا جۇيەدە اتالعان ازاماتتاردىڭ دا مۇددەلەرى قورعالعان.

اباي-اقپارات