وقو شىمكەنت قالاسىنا قاراستى قاراتاۋ اۋدانىنىڭ 5 ەلدىمەكەن مەن جاڭا قۇرىلىستارىنا 2018 جىلعا دەيىن گاز بەرىلەدى، - دەپ حابارلايدى اباي-اپارات.

جالپى، قاراتاۋ ايدانىنداعى تابيعي گاز ماسەلەسىنە كەلسەك، وتىز ەلدى­مەكەننىڭ 33%-دا، 70 مىڭداي تۇرعىندا كوگىلدىر وتىن جوقتىڭ قاسى. ولاردىڭ قاتا­رىندا اسار-2, بوزارىق، دوستىق، ازات، تاسكەن، تاسساي، تۇران جانە قايناربۇلاق ساياجايى، قاي­ناربۇلاق تۇرعىن الابى بار. بىلتىر بيۋد­جەتتەن 100 ملن تەڭگە ءبولىنىپ اقجايىق، تاسكەنگە جانە ميراس ساياجايىندا قۇبىر تارتۋ جۇمىستارى باستالىپ، ول جۇمىستار كەلەر جىلى تولىعىمەن اياقتالادى. وزگە 5 ەلدىمەكەن مەن جاڭا قۇرىلىستارعا 2018 جىلعا دەيىن گاز بەرىلەدى. جۇرت الداعى ءۇش جىلعا تولىعىمەن كوگىلدىر وتىنعا قول جەتكىزەدى.

جۇرتتى تولعاندىراتىن ماسەلەلەردىڭ قاتارىندا ساپالى ەلەكتر ەنەرگياسىمەن قامتۋ، كوشەلەردى جارىقتاندىرۋ دا بار. بۇل جۇمىستار بويىنشا دا كەشەندى شارۋالار جاسالىپ جاتىر.

"قاراتاۋلىقتار تولىعىمەن جارىقپەن قامتىلعان. دەسە دە، ەلەكتر ەنەرگياسىن تاراتاتىن 488 ترانسفورماتوردىڭ 203-ءى جەكەنىڭ قولىندا. بۇل 46 پايىزدى قۇرايدى. ساپاسى دا سىن كوتەرمەيدى. سەبەبى، 100 ۇيگە ارنالعان ترانسفورماتورعا 200 ءۇي قوسىلادى دا، جارىق ءالسىز بولىپ قالادى. ءجيى وشەتىنى تاعى بار. وسىعان وراي، قازىنادان قارجى قارالىپ، اقجايىقتا، قايتپاستا، قايناربۇلاقتا، بوزارىقتا، دوستىقتا ەلەكتر جارىعىمەن قام­تا­ماسىز ەتۋ ماقساتىندا، جۇمىستار جۇر­گىزىلۋدە. كەلەسى جىلى ماسەلە شەشىمىن تابادى. سونىمەن، 9 ەلدىمەكەنگە 2016 جىلى، 11-ىنە 2017 جىلى تالاپقا ساي ترانسفورماتورلار قويىلادى. قالعان 30%-ى 2018 جىلى شەشىلەدى دەپ وتىرمىز" دەيدى اۋدان اكىمى عالىم يسمايلوۆ مىرزا.

"كوشەلەردى جارىقتاندىرۋدا ءالى دە قيىن­دىقتار بارشىلىق. ماسەلەن، اۋدانداعى 81 كوشەگە شامدار قويىلعان. بۇل ەلدى­مەكەندەردىڭ ورتالىق كوشەلەرى. وزگە كوشەلەر جارىقتاندىرۋدى قاجەت ەتەدى. سۇرانىس ەكى-ءۇش ەسەگە كوپ. قاراڭعى، مەكتەپكە بارۋ قيىن­­­عا سوعادى. ءنۇرسات شاعىناۋدانىندا 117 ءۇي جارىق، قالعان 106 ۇيدە شامدار قويۋ كەرەك. بيۋدجەتكە ۇسىنىس بەردىك، قالاي قارجى بولى­نەدى، كوشەلەر جارىقتاندىرىلادى" دەيدى ول.

اباي-اقپارات