جىل قورتىندىلارىندا شارۋاشىلىق سالاسىندا قولدانىلىپ، ءوز ناتيجەسىن بەرىپ كەلە جاتقان «ۇنەمدى تەحنولوگيانىڭ» جەتىستىكتەرى دە ءسوز بولدى. مىسالى، مىرزاشولدەگى «نۇرالى جول — ج» شارۋا قوجالىعى ماقتا وسىرۋدە «ۇنەمدى تەحنولوگيانىڭ» شاراپاتىن بىرنەشە جىلدان بەرى كورىپ كەلەدى. بيىل دا 150 گەكتاردان استام تاناپقا ماقتا ەككەن شارۋا ءار گەكتاردان 45-50 تسەنتنەردەن اق التىن الدى. ءداستۇرلى ادىسكە قاراعاندا تەرەڭدەتىپ قوپسىتۋدىڭ شىعىنى دا از بولعان.

ەربول ەراليەۆ، شارۋا قوجالىعىنىڭ توراعاسى: «بارلىق اگروتەحنيكانى ىسكە قوسقان كەزدە بار شىعىن 140-130 مىڭ تەڭگەگە شىعادى. ەسكى ادىسپەن سالىستىرعاندا ءار گەكتاردان 20-30 مىڭ تەڭگە ۇنەمدەۋگە بولادى».

بيىل 37 مىڭ گەكتار جەرگە تەرەڭ قوپسىتۋ (بۇل ءادىس «ۇنەمدى تەحنولوگيا» دەپ تە اتالادى) ءادىسى بويىنشا ءتۇرلى داقىل ەگىلسە، سونىڭ 32 مىڭ گەكتارى ماقتاارال اۋدانىنا قارايدى. ماماندار بۇل كولەمدى جىلدان جىلعا ارتتىرۋدى كوزدەپ وتىر. وسى ءادىس بويىنشا تاياۋ جىلدارى يگەرىلگەن جەردىڭ كولەمىن 100 مىڭ گەكتارعا دەيىن جەتكىزسەك، بىزدە اۋىل شارۋاشلىعىنان الىناتىن ءونىم قازىرگىدەن بىرنەشە ەسەگە ارتىق بولاتىنىنا ەشكىمنىڭ كۇمانى جوق.

سالا جاۋاپتىلارىنىڭ پىكىرىنشە، ءمىرزاشول وڭىرىندە جىل وتكەن سايىن اۋىل شارۋاشىلىعىنا پايدالاناتىن جەردىڭ ۇلەس سالماعى ارتا تۇسۋدە. ماسەلەن، ءبىر عانا وسى اۋىلدا 100 اساتم ديحان ماقتادان پايداعا كەنەلىپ وتىر. 

دەگەنمەن، بۇل جاڭالىققا كوشۋگە شارۋالاردىڭ جۇرەكسىنىپ جاتقانى راس. سوندىقتان اۋىل شارۋاشىلىعى باسقارماسىنىڭ ماماندارى جاڭا ادىسكە قاجەت تەحنيكانى ساتىپ الۋدىڭ قامىنا كىرىسكەن. قاجەتتى اگرەگات جەتكىزىلگەن سوڭ «ۇنەمدى تەحنولوگيا» ادىسىنە كوشەتىن قوجالىقتاردىڭ قاتارى كوبەيەدى دەگەن بولجام بار.

اباي-اقپارات