وڭتۇستىك قازاقستان وبلىسى بويىنشا اۋىل شارۋاشىلىعى داقىلدارىنىڭ ەگىس كولەمى وتكەن جىلدان 12,8 مىڭ گەكتارعا ارتىپ، 788,6 مىڭ گا القاپقا جەتتى دەپ حابارلايدى اباي-اقپارات قازاقپاراتقا سىلتەمە جاساي وتىرىپ. بيىل وبلىس ديحاندارى استىق وسىرۋدە وزىق تەحنولوگيالاردى، ونىڭ ىشىندە تەرەڭ قوپسىتۋ ءادىسىن قولدانا وتىرىپ، ۇلكەن كورسەتكىشتەرگە قول جەتكىزگەن.   ماسەلەن، ديقاندار 214,4 مىڭ گا جەرگە ماساقتى ءداندى داقىلدار ەگىپ، ونىڭ ءار گەكتارىنان 22 تسەنتنەردەن (2015 ج -17,8 تس/گا), بارلىعى 470 مىڭ توننا ءونىم جيناعان. بۇل وتكەن جىلعىمەن سالىستىرعاندا 123 مىڭ تونناعا ارتىق. وبلىس اكىمدىگىنىڭ ءباسپاسوز قىزمەتى تاراتقان سوڭعى،  جەلتوقسان ايىنداعى مالىمەتتەر بويىنشا،   بيىل شارۋالار جالپى ءداندى داقىلداردان 660 مىڭ توننا ءونىم جيناعان.   سونىمەن قاتار، وبلىستا 866 مىڭ توننا كوكونىس، 991 مىڭ توننا باقشا ءونىمى، 181 مىڭ توننا كارتوپ جينالىپتى. اگرارلى ايماقتىڭ تۇرعىندارى بيىلعى جىلى 125 مىڭ توننا جەمىس-جيدەك جانە 73 مىڭ توننا ءجۇزىم  جيناپ باستىرىپتى. بۇگىنگە كۇنگە دەيىن ولار 47,6 مىڭ توننا جەمىس، 23,2 مىڭ توننا ءجۇزىم جيناعان.  مال ازىعى دا وقو-دا ويداعىداي جينالعان. شارۋالار  3747 مىڭ توننا (108%) مال ازىعىن دايىنداپ قىستى قينالماي قارسى الىپ وتىر.

اباي-اقپارات