اۋىلشارۋاشىلىق ونىمدەرىنىڭ كولەمىن ۇلعايتۋدى، ەكسپورتقا شىعارۋدى قامتاماسىز ەتۋدە ۇساق تاۋار وندىرۋشىلەردىڭ ماسەلەلەرىن كەشەندى شەشۋ ءۇشىن، قر «اۋىل شارۋاشىلىعى كووپەراتيۆتەرى تۋرالى» زاڭىنا سايكەس، وڭتۇستىك قازاقستان وبلىسىندا كووپەراتيۆتەردى قۇرۋ بەلسەندى جۇرگىزىلۋدە.

جەلتوقسان ايىنداعى مالىمەتتەرگە سۇيەنسەك، وبلىستا 8 مىڭنان اسا ۇساق فەرمەرلىك شارۋاشىلىقتار 81 اۋىل شارۋاشىلىق وندىرىستىك كووپەراتيۆتەرگە بىرىگىپ، جۇمىس اتقارۋدا. ولار دامۋ باعىتتارى بويىنشا 19 بىرلىك ماقتا شارۋاشىلىعى، 30 بىرلىك استىق، 4 بىرلىك ءسۇت ءوندىرىسى، 13 بىرلىك ءىرى جانە ۇساق مال شارۋاشىلىعى، 3 تۇيە شارۋاشىلىعى، 3 جۇگەرى ءوسىرۋ، 4 جىلىجاي، 5 تاعى باسقا شارۋاشىلىقتاردان قۇرالىپ وتىر.

سونىمەن قاتار، بيىلعى جىلى وبلىستا 14 ماشينا-تراكتورلىق ستانتسياسى قۇرىلعان. (متس)

متس-تەر قۇرامىندا 108 دوڭعالاقتى تراكتورلار، 7 شىنجىر تاباندى تراكتورلار، 28 استىق وراتىن،9 جەم-ءشوپ وراتىن، 4 جۇگەرى وراتىن كومبايندار مەن 186 باسقا تەحنيكالار بار. 

وسى باعىتتاعى تۇلكىباس اۋدانىندا اتقارىلىپ جاتقان جۇمىستارمەن تانىسقان اۋدان باسشىلىعى شارۋا قوجالىقتىڭ يەلەرىمەن كەزدەسىپ، اۋىل شارۋاشىلىعى سالاسىن ودان ءارى جانداندىرۋ ماقساتىندا زامان تالابىنا ساي جاڭا تەحنيكالارمەن جابدىقتالعان ستانتسياسىن قۇرۋ ماسەلەسى قولعا الىنعانىن ايتىپ، بۇگىندە اۋداننىڭ ءۇش ايماعىندا ماشينا تراكتور ستانتسياسى قۇرىلىپ، ءوز جۇمىسىن جۇرگىزىپ جاتقانىن جەتكىزگەن بولاتىن.

جاڭادان قۇرىلعان ستانتسيا تۇلكىباس اۋدانىنا قاراستى كووپەراتيۆتەرمەن شارۋا قوجالىقتاردىڭ ەگىستىكتەگى جەرىن اۋدارۋ، ەگۋ، جيناۋ تاعى باسقادا جۇمىستارىن جۇرگىزەتىن بولادى. جالپى اۋداندا 1455 بىرلىك اۋىل شارۋاشىلىعى تەحنيكالارى بار.

اباي-اقپارات