جىل ەسەبىندە زيانكەستەرمەن كۇرەس ناتيجەلەرى دە كورسەتىلدى. ماسەلەن، بيىل وڭتۇستىك قازاقستان وبلىسىندا ساياق شەگىرتكەسىنە قارسى جۇمىستار 26,7 مىڭ گا جەرگە جۇرگىزىلىپ، جۇمىستار تولىعىمەن اياقتالعان. ءۇيىرسىز ساياق شەگىرتكەسىنە قارسى كۇرەس جۇمىستارىنا وبلىستىق بيۋدجەتتەن 48 ملن تەڭگە قارجى جۇمسالعان. ءسويتىپ، شەگىرتكە تۇرىنەن شارۋالارعا بيىل زيان تارتپادى.

بۇل تۋرالى وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆ شارۋشاشىلىق ماۋسىمىن قورتىندالاعان ايماقتىق كوممۋنيكاتسيالار قىزمەتىندە وتكەن بريفينگتە مالىمدەدى ەدى.

سول وتكەن جيىندا سەرىك تۇربەكوۆ شارۋاشىلىق سالاسىنداعى شەگىرتكەمەن كۇرەسۋدەگى جۇمىستاردى بايانداعان بولاتىن. وبلىستا شەگىرتكەلەردىڭ 122 ءتۇرى بولسا، سونىڭ 4 تۇرىنە قارسى زالالسىزداندىرۋ جۇمىستارى جۇرگىزىلگەن. قالعان تۇرىنەن شارۋالارعا كەلەر قاۋىپ جوق. ساياق شەگىرتكەلەردىڭ شىعۋ ورىندارىندا ماروككالىق شەگىرتكەلەردىڭ ارالاس بولۋىنا بايلانىستى وڭدەۋ جۇمىستارى «وسىمدىك قورعاۋ» مەكەمەسىمەن بىرگە جۇرگىزىلدى. وڭدەۋ جۇمىستارىنا 22 تەحنيكا جۇمىلدىرىلىپ، ناتيجەسىندە 26,7 مىڭ گا جەر زالالسىزداندىرىلدى.

وقو اۋماقتىق ينسپەكتسيا تاراپىنان 91,37 مىڭ گا جەرگە ماروككو شەگىرتكەسىنە قارسى حيميالىق وڭدەۋ جۇمىستارى جۇرگىزىلگەنى ايتىلعان ەدى. ال اۋىل شارۋاشىلىعى مينيسترلىگى اۋماقتىق ينسپەكتسيانىڭ وكىلى بيىل كوكتەم ايلارى وتە قولايسىز بولىپ، ءجيى جاۋعان جاڭبىر مەن ءشوپتىڭ بيىك ءوسۋى اسەرىنەن جۇرگىزىلگەن وڭدەۋ جۇمىستارى كۇتىلگەن ناتيجەنى بەرمەگەنىن دە ءسوز بولدى.

سونىڭ سالدارىنان ماروككولىق شەگىرتكەلەر 27,6 مىڭ گا دەيىنگى القاپقا جايىلىپ كەتكەن ۇلعايعان. ءسويتىپ، زيانكەستەردى جويۋ باعىتىنداعى جۇمىستار ەسەلەنىپ، رەسپۋبليكادان قوسىمشا قارجى ءبولىندى. ماماندار شەگىرتكەمەن كۇرەس جۇمىستارىن ءساتتى اياقتادى.

اباي-اقپارات