ازىق-تۇلىك بااعاسى قىمباتتاپ جاتقانىنا قاراماستان قاراپايىم حالىق دايىن ونىمگە جۇگىرۋدى ءجون سانايدى. دەگەنمەن ۋلاسىنداعى باقشاسىندا جەمىس-جيدەگىن، كوكونىسىن ءوسىرىپ، ءوز ءوزىن ءىشىپ-جەممەن قامتاماسىز ەتۋدى دۇرىس كورەتىندەر دە بار. وسى ورايدا وڭىرلەردەگىى اكىمدىكتەر اۋلاسىندا شاعىن فەرما، كىشى-گىرىم جىلىجاي اشپاق نيەتتى ازاماتتارعا نەسيە قاراستىرۋدى دا ويلاستىرىپ جاتىر.

قازىعۇرتتىق ءادىلباي نيازوۆ دەگەن اقساقال ەسىك الدىنداعى باقشانى كۇتىپ باپتايدى. الاقانداي التى سوتتىق جەردە كوكونىستىڭ بارلىق ءتۇرى بار. قيار مەن قىزاناقتان باسقا جۇگەرىنىڭ دە دە شىعىمى جاقسى. بيىل الما مەن المۇرت، ورىك اعاشى دا جەمىستى مول بەرىپتى. ياعني وزگەنىڭ ەمەس، ءوزىنىڭ وسىرگەنىن تۇتىناتىن زەينەتكەر قارنىم دا توق، قالتام دا ءبۇتىن دەيدى. ال ونى بازارداعى باعادان گورى اۋلاداعى سۋ ماسەلەسى كوبىرەك الاڭداتادى. باعباننىڭ ايتۋىنشا، باقشانى قولدان سۋارعانشا ارىقتىڭ سۋى نارلىرەك بولادى. ال قازىرگى كەزدە كوشەگە كوپتەپ ۇيلەر ءتۇسىپ كەتكەندىكتەر بۇرىنعى ارىقتار جوقتىڭ قاسى. بولاشاقتا باقشانى سۋاراتىن ارىقتار جۇرگىزۋدى جوسپارلاپ وتىر. كوكونىس پەن جەمىستى بازاردان ىزدەمەيتىن اتاي شاعىن جەرىنەن جاز بويى جيناعانى وزىنەن ارتىلسا كورشىلەرىمەن بولىسەدى ەكەن. «ەڭبەك ەتكەن ادامعا قولبايلاۋ جوق، كەرىسىنشە قولداۋ بار» دەيدى ءادىلباي باعبان.

قازىرگى اشىق الەمدىك ەكونوميكا جاعدايىندا جۇمىس ىستەۋگە بەيىمدەلە باستاعان رەسپۋبليكامىزدىڭ اۋىل شارۋاشىلىعى ءوزىنىڭ ودان ءارى ءتيىمدى دامۋىن قامتاماسىز ەتەتىن جاڭا كەزەڭگە اياق باستى. مەملەكەت باسشىسى اتاپ وتكەندەي، اۋىل شارۋاشىلىعىن رەفورمالاۋدا تاڭدالعان جولدىڭ دۇرىستىعىن سالا دامۋىنداعى ناقتى قورىتىندىلار دالەلدەپ وتىر

Abai.kz